८९ वर्षीया वृद्धा माछापोखरीमा मृत भेटिइन्

चितवन । चितवनमा बुधबारदेखि हराएकी एक वृद्धा माछापोखरीमा मृत फेला परेकी छन् । भरतपुर महानगरपालिका वडा नम्बर २१ की ८९ वर्षीया टुल्कीदेवी अधिकारी आज बिहान भरतपुर–२०, शङ्करचोक नजिकै रहेको माछापोखरीमा मृत भेटिएकी हुन् ।

उनी बुधबार बिहान ११ बजेदेखि घरबाट हराएको जिल्ला प्रहरी कार्यालय चितवनले जनाएको छ । स्थानीयले वृद्धको शव देखेपछि प्रहरीलाई खबर गरेका थिए । शव पोष्टमार्टमका लागि भरतपुर अस्पतालमा राखिएको र घटनाबारे अनुसन्धान भइरहेको प्रहरीले बताएको छ ।