महानगरभित्र कानुनअनुसार औषधि पसल सञ्चालन गर्नु : मेयर शाह

काठमाडौँ, २० मंसिर । स्थानीयबाट जनगुनासो आउन थालेपछि काठमाडौँ, महानगरपालिकाले कानुनअनुसार औषधि पसल सञ्चालन गरेको छ । महानगरले मङ्सिर २९ गतेभित्र नियमानुसार औषधि पसल दर्ता गरेर सञ्चालन गर्न निर्देशन दिएको हो ।

महानगरका मेयर बालेन्द्र शाहले आज बुधवार सामाजिक सञ्जालमार्फत नियमानुसार दर्ता गर्न तथा डाक्टरको सिफारिस ९प्रेस्किप्सन० अनुसार मात्रै औषधिको कारोबार गर्न निर्देशन दिएका हुन् ।

उनले लेखेका छन् कतिपय औषधि पसल दर्ता नभएका, अनधिकृत व्यक्तिबाट औषधि बिक्री भइरहेको, औषधि व्यवस्था विभागमा दर्ता नभएका औषधिसमेत बिक्री गरेको र डाक्टरको सिफारिस ९प्रेस्किप्सन० विना औषधि बिक्री भइरहेको लगायतका गुनासा आइरहेका उल्लेख गर्नुभएको छ । महानगर आमनागरिकको स्वास्थ्यका लागि संवेदनशील रहेको भन्दै उहाँले गुणस्तरीय स्वास्थ्य सेवा उपलब्ध गराउन विभिन्न सुधारात्मक काम गर्दै आएको बताउनुभएको छ । सुधारका प्रयास भइरहे पनि जनस्वास्थ्यमा लापर्बाही भएको भेटिएको मेयर शाहको भनाइ छ ।