नारायणी नदीमा डुबेर १६ वर्षीय किशोर बेपत्ता

चितवन,११ आश्विन।  नारायणी नदीमा पौडी खेल्ने क्रममा डुबेर एक किशोर बेपत्ता भएका छन् ।आज (मंगलबार) दिउँसो १२ः३० बजे भरतपुर महानगरपालिका–१, देवघाटस्थित नारायणीमा डुबेर बेपत्ता भएका हुन् ।

धादिङ महाबिरबेशी घर भई हाल देवघाटमा डेरा गरि बस्ने पार्वती अधिकारीका १६ वर्षीय छोरा अभिषेक अधिकारी बेपत्ता भएको चितवन प्रहरीले जनाएको छ ।

प्रहरीले दिउँसो १ बजे घटना बारे जानकारी पाएको थियो । अधिकारीको खोजी कार्य भइरहेको जिल्ला प्रहरी कार्यालय चितवनले जनाएको छ ।