चितवन, साउन २६। भरतपुर विमानस्थल झण्डै चार करोड नाफामा छ ।
नेपाल नागरिक उड्डयन प्राधिकरण (क्यान)का अनुसार भरतपुर विमानस्थलले गत आर्थिक वर्षमा चार करोड ७१ लाख आम्दानी गर्दा झण्डै चार करोड रुपैयाँ नाफा गरेको हो । प्राधिकरणले उपलब्ध गराएको तथ्यांकमा भरतपुर विमानस्थलले गत आर्थिक वर्षमा ७८ लाख ९२ हजार खर्च गर्दा तीन करोड ९३ लाख नाफा गरेको छ ।
भरतपुर विमानस्थलका उपप्रवन्धक दिपक विकका अनुसार विमानस्थलको मुख्य आम्दानीको स्रोत भनेकै यात्रुबाट लिइने विमानस्थल कर र जहाजहरुको अवतरण तथा पार्किङ शुल्क नै हो । पहिले प्रति यात्रु लिनेको गरेको विमानस्थल शुल्क २०० रुपैयाँ रहेकोमा अहिले बढेर प्रति यात्रु ४०० रुपैयाँ पुगेको छ ।
अर्काेतिर पर्यटकहरु ओसार्नमा निकै चर्चित रहेको मेघौली विमानस्थल भने अहिले घाँसे मैदानमा परिणत भएको छ । यसको व्यवस्थापनको काम भने भरतपुर विमानस्थलले नै गर्ने हो । भरतपुर विमानस्थलका उपप्रवन्धक विकले कहिँलेकाही नेपाली सेनाले प्यारा ड्रपको लागि प्रयोग गर्ने भए पनि अहिले खासै यो विमानस्थल प्रयोगमा आउन नसकेको बताए । उनले भने, ‘नागरिक उड्डयन प्राधिकरणले मेघौली विमानस्थलबारे खासै कुनै नीति तथा योजना ल्याएको छैन । भविष्यमा केही योजना ल्याउन सक्छ । ’ चितवनको पहिचान र गौरवमय इतिहास बोकेको मेघौली विमानस्थल अहिले बेवारिसे अवस्थामा छ ।
मेघौली विमानस्थलको बिगत
सरकारले चितवन निकुञ्जभित्र होटल सञ्चालन गर्न नपाउने नीति बनाएपछि विसं २०६७ को मंसिरदेखि मेघौली विमानस्थल बन्द भएको हो । त्यसयता विमानस्थलमा फाट्टफुट्ट उडान हुने गरे पनि नियमित छैन । विसं २०१७ मा विमानस्थल स्थापना भएपछि निकुञ्जभित्र रहेको टाइगरटप्स जंगल लजमा आउने पाहुना ल्याउन विमानले उडान भर्दै आएका थिए । त्यसपछि मेघौली विमानस्थलमा नियमित उडान छैन ।
विमानस्थल यतिबेला घाँसेमैदानमा परिणत भएको छ । कुनै बेला मेघौली एयरपोर्टमा १० वटासम्म जहाज उड्ने उत्रने गरेको स्थानीय व्यवसायी बताउँछन् । सबै जहाजमा टाइगरटप्स जंगल लजमा आउने खास गरेर विदेशी पाहुना नै हुने गर्दथे । भरतपुरबाट २४ किलोमिटर पश्चिमको मेघौली विमानस्थल २३ बिघा जमिनमा फैलिएको छ । विमानस्थलमा एक हजार ६५ मिटर लामो घाँसे धावनमार्ग छ । काठमाडौँबाट उडेको लगभग आधा घण्टामा विमान मेघौली पुग्छ । विमानस्थलमा होटल टाइगरटप्स रहुञ्जेल अन्तर्राष्ट्रिय हात्तीपोलो खेलसमेत हुने गरेको थियो । अहिले मेघौलीमा हात्तीपोलो खेल पनि बन्द भएको छ । मेघौलीदेखि जगतपुरसम्मको क्षेत्रमा राम्रा र ठूला ५० बढी पर्यटकीय होटल छन् ।
चितवन र यस आसपासको क्षेत्रमा जनघनत्व बढ्दै गएकोले पनि भरतपुरसहित तराई क्षेत्रका विमानस्थल नाफामा नै रहेका छन् । आर्थिक गतिविधि समेत बढेको कारणले भरतपुर विमानस्थलमा हवाई माध्यमबाट आवतजावत गर्नेको संख्या बढ्दै गएको विमानस्थलले बताएको छ ।
चितवन, साउन २६। भरतपुर विमानस्थल झण्डै चार करोड नाफामा छ ।
नेपाल नागरिक उड्डयन प्राधिकरण (क्यान)का अनुसार भरतपुर विमानस्थलले गत आर्थिक वर्षमा चार करोड ७१ लाख आम्दानी गर्दा झण्डै चार करोड रुपैयाँ नाफा गरेको हो । प्राधिकरणले उपलब्ध गराएको तथ्यांकमा भरतपुर विमानस्थलले गत आर्थिक वर्षमा ७८ लाख ९२ हजार खर्च गर्दा तीन करोड ९३ लाख नाफा गरेको छ ।
भरतपुर विमानस्थलका उपप्रवन्धक दिपक विकका अनुसार विमानस्थलको मुख्य आम्दानीको स्रोत भनेकै यात्रुबाट लिइने विमानस्थल कर र जहाजहरुको अवतरण तथा पार्किङ शुल्क नै हो । पहिले प्रति यात्रु लिनेको गरेको विमानस्थल शुल्क २०० रुपैयाँ रहेकोमा अहिले बढेर प्रति यात्रु ४०० रुपैयाँ पुगेको छ ।
अर्काेतिर पर्यटकहरु ओसार्नमा निकै चर्चित रहेको मेघौली विमानस्थल भने अहिले घाँसे मैदानमा परिणत भएको छ । यसको व्यवस्थापनको काम भने भरतपुर विमानस्थलले नै गर्ने हो । भरतपुर विमानस्थलका उपप्रवन्धक विकले कहिँलेकाही नेपाली सेनाले प्यारा ड्रपको लागि प्रयोग गर्ने भए पनि अहिले खासै यो विमानस्थल प्रयोगमा आउन नसकेको बताए । उनले भने, ‘नागरिक उड्डयन प्राधिकरणले मेघौली विमानस्थलबारे खासै कुनै नीति तथा योजना ल्याएको छैन । भविष्यमा केही योजना ल्याउन सक्छ । ’ चितवनको पहिचान र गौरवमय इतिहास बोकेको मेघौली विमानस्थल अहिले बेवारिसे अवस्थामा छ ।
मेघौली विमानस्थलको बिगत
सरकारले चितवन निकुञ्जभित्र होटल सञ्चालन गर्न नपाउने नीति बनाएपछि विसं २०६७ को मंसिरदेखि मेघौली विमानस्थल बन्द भएको हो । त्यसयता विमानस्थलमा फाट्टफुट्ट उडान हुने गरे पनि नियमित छैन । विसं २०१७ मा विमानस्थल स्थापना भएपछि निकुञ्जभित्र रहेको टाइगरटप्स जंगल लजमा आउने पाहुना ल्याउन विमानले उडान भर्दै आएका थिए । त्यसपछि मेघौली विमानस्थलमा नियमित उडान छैन ।
विमानस्थल यतिबेला घाँसेमैदानमा परिणत भएको छ । कुनै बेला मेघौली एयरपोर्टमा १० वटासम्म जहाज उड्ने उत्रने गरेको स्थानीय व्यवसायी बताउँछन् । सबै जहाजमा टाइगरटप्स जंगल लजमा आउने खास गरेर विदेशी पाहुना नै हुने गर्दथे । भरतपुरबाट २४ किलोमिटर पश्चिमको मेघौली विमानस्थल २३ बिघा जमिनमा फैलिएको छ । विमानस्थलमा एक हजार ६५ मिटर लामो घाँसे धावनमार्ग छ । काठमाडौँबाट उडेको लगभग आधा घण्टामा विमान मेघौली पुग्छ । विमानस्थलमा होटल टाइगरटप्स रहुञ्जेल अन्तर्राष्ट्रिय हात्तीपोलो खेलसमेत हुने गरेको थियो । अहिले मेघौलीमा हात्तीपोलो खेल पनि बन्द भएको छ । मेघौलीदेखि जगतपुरसम्मको क्षेत्रमा राम्रा र ठूला ५० बढी पर्यटकीय होटल छन् ।
चितवन र यस आसपासको क्षेत्रमा जनघनत्व बढ्दै गएकोले पनि भरतपुरसहित तराई क्षेत्रका विमानस्थल नाफामा नै रहेका छन् । आर्थिक गतिविधि समेत बढेको कारणले भरतपुर विमानस्थलमा हवाई माध्यमबाट आवतजावत गर्नेको संख्या बढ्दै गएको विमानस्थलले बताएको छ ।