चितवनमा अफ्रिकन स्वाइन फिभर पुष्टि, एकै फार्मका ५०० बङ्गुर मरे
न्युजभित्तो/१२ श्रावण २०७९, बिहीबार १३:१३
चितवन,१२ श्रावण। चितवनमा अफ्रिकन स्वाइन फिभर पुष्टि भएको छ । भरतपुर महानगरपालिका ६ देवनगरस्थित पाथीभरा पशुपालन तथा दाना उत्पादन केन्द्रमा रहेको बङ्गुरमा अफ्रिकन स्वाइन फिभर देखिएको हो ।
भरतपुर १२ का निवर्तमान वडाध्यक्ष नरेन्द्र कन्दङ्वाको उक्त फार्ममा बङ्गुर मर्न थालेपछि गरिएको परीक्षणमा अफ्रिकन स्वाइन फिभर पुष्टि भएको हो । बङ्गुरमा अफ्रिकन स्वाइन फिभर परीक्षणका लागि पशु सेवा विभागमा पठाईएको थियो । विभागबाट रिपोर्ट पोजेटिभ आएको भेटेरिनरी अस्पताल तथा पशुसेवा विज्ञ केन्द्र चितवनका प्रमुख डा सुशील केसीले जानकारी दिए ।
केसीका अनुसार चितवनमा पहिलो पटक अफ्रिकन स्वाइन फिभर देखिएको हो । उक्त फार्ममा रहेका करिब आठ सय मध्ये पाँच सय वटा बङ्गुर मरेका छन् । ‘काठमाडौंमा तीन-चार महिना अघि देखिएको थियो । चितवनमा चाँही हामीले उहाँको फार्ममा मात्रै देखिएको हो, उनले भने,’बुङ्गुर मरिरहेको छ भनेपछि हामीले हाम्रो डाक्टरसहितको टिम पठाएका थियौं । काठमाडौंमा नमूना परीक्षण गर्दा संक्रमण पुष्टि भयो ।’
फार्ममा रहेका बाँकी बङ्गुरमा पनि उक्त भाइरस संक्रमण भए मर्ने उनले बताए । उनका अनुसार काठमाडौंमा उक्त भाइरस देखा परेलगत्तै चितवनका कृषकहरुलाई बङ्गुर मासुका लागि बिक्री गरिहाल्न खबर गरिएको थियो ।
उनले भने, ‘काठमाडौं यो भाइरस देखिएपछि ठूलो नोक्सानी हुने भएकोले यहाँका बङ्गुर पालक कृषकहरुलाई एक-दुई वटा मात्रै राखेर अरु मासुका लागि बिक्री गरिहाल्नुस् भनेर आग्रह गरेका थियौं । यो लागिसकेपछि उपाए छैन भनेका थियौं । यो मान्छेमा चाँही सर्दैन । तर बङ्गुरमा लागिसकेपछि त्यो मासु तीन वर्षसम्म फ्रिजमा राखे पनि मर्दैन ।’
यसले चितवनमा अफ्रिकन स्वाइन फिभरको जोखिम बढाएको डा केसीले बताए । बङ्गुर ओसारपसार नगरे पनि देशभरका सवारी साधन चितवन हुँदै जाने भएकोले जोखिम बढेको उनको भनाइ छ । ‘बङ्गुर नै ओसारपसार नगरे पनि चितवन काठमाडौंसहित देशभर जाने बाटो भएकोले मान्छेकै माध्यमबाट पनि सर्न सक्छ । चितवन जोखिममा नै छ’, उनले भने ।
चितवनका अन्य फार्ममा हालसम्म नदेखिएकोले जैविक सुरक्षा अपनाउन जरुरी रहेको उनले बताए । बङ्गुर फार्ममा जाँदा नुहाएर जान तथा कोरोना भाइरसको सुरक्षा अपनाउन उनले आग्रह गरे ।
चितवन,१२ श्रावण। चितवनमा अफ्रिकन स्वाइन फिभर पुष्टि भएको छ । भरतपुर महानगरपालिका ६ देवनगरस्थित पाथीभरा पशुपालन तथा दाना उत्पादन केन्द्रमा रहेको बङ्गुरमा अफ्रिकन स्वाइन फिभर देखिएको हो ।
भरतपुर १२ का निवर्तमान वडाध्यक्ष नरेन्द्र कन्दङ्वाको उक्त फार्ममा बङ्गुर मर्न थालेपछि गरिएको परीक्षणमा अफ्रिकन स्वाइन फिभर पुष्टि भएको हो । बङ्गुरमा अफ्रिकन स्वाइन फिभर परीक्षणका लागि पशु सेवा विभागमा पठाईएको थियो । विभागबाट रिपोर्ट पोजेटिभ आएको भेटेरिनरी अस्पताल तथा पशुसेवा विज्ञ केन्द्र चितवनका प्रमुख डा सुशील केसीले जानकारी दिए ।
केसीका अनुसार चितवनमा पहिलो पटक अफ्रिकन स्वाइन फिभर देखिएको हो । उक्त फार्ममा रहेका करिब आठ सय मध्ये पाँच सय वटा बङ्गुर मरेका छन् । ‘काठमाडौंमा तीन-चार महिना अघि देखिएको थियो । चितवनमा चाँही हामीले उहाँको फार्ममा मात्रै देखिएको हो, उनले भने,’बुङ्गुर मरिरहेको छ भनेपछि हामीले हाम्रो डाक्टरसहितको टिम पठाएका थियौं । काठमाडौंमा नमूना परीक्षण गर्दा संक्रमण पुष्टि भयो ।’
फार्ममा रहेका बाँकी बङ्गुरमा पनि उक्त भाइरस संक्रमण भए मर्ने उनले बताए । उनका अनुसार काठमाडौंमा उक्त भाइरस देखा परेलगत्तै चितवनका कृषकहरुलाई बङ्गुर मासुका लागि बिक्री गरिहाल्न खबर गरिएको थियो ।
उनले भने, ‘काठमाडौं यो भाइरस देखिएपछि ठूलो नोक्सानी हुने भएकोले यहाँका बङ्गुर पालक कृषकहरुलाई एक-दुई वटा मात्रै राखेर अरु मासुका लागि बिक्री गरिहाल्नुस् भनेर आग्रह गरेका थियौं । यो लागिसकेपछि उपाए छैन भनेका थियौं । यो मान्छेमा चाँही सर्दैन । तर बङ्गुरमा लागिसकेपछि त्यो मासु तीन वर्षसम्म फ्रिजमा राखे पनि मर्दैन ।’
यसले चितवनमा अफ्रिकन स्वाइन फिभरको जोखिम बढाएको डा केसीले बताए । बङ्गुर ओसारपसार नगरे पनि देशभरका सवारी साधन चितवन हुँदै जाने भएकोले जोखिम बढेको उनको भनाइ छ । ‘बङ्गुर नै ओसारपसार नगरे पनि चितवन काठमाडौंसहित देशभर जाने बाटो भएकोले मान्छेकै माध्यमबाट पनि सर्न सक्छ । चितवन जोखिममा नै छ’, उनले भने ।
चितवनका अन्य फार्ममा हालसम्म नदेखिएकोले जैविक सुरक्षा अपनाउन जरुरी रहेको उनले बताए । बङ्गुर फार्ममा जाँदा नुहाएर जान तथा कोरोना भाइरसको सुरक्षा अपनाउन उनले आग्रह गरे ।