नारायणगढको पुल्चोकमा ट्याङकरले पैदलयात्रीलाई ठक्कर दिँदा घटनास्थलमै मृत्यु

चितवन,साउन ९ । नारायणगढको पुल्चोकमा ट्याङकरले पैदलयात्रीलाई ठक्कर दिँदा घटनास्थलमै मृत्यु भएको छ । पुल्चोकबाट गैडाकोट तर्फ जाँदै गरेको भारतीय नम्बर प्लेटको ट्याङकरले नारायणगढ बजार क्षेत्रमा मागेर खाँदै हिड्ने महिलालाई आज दिउसो १ बजे ठक्कर दिएको हो ।

मृतकको परिचय खुलेको छैन । ठक्कर दिने ट्याङकर र ट्याङकरका चालकलाई प्रहरीले नियन्त्रणमा लिएको छ । शव पोष्टमाटमका लागि भरतपुर अस्पतालमा राखिएको छ ।