पहिरोले अवरुद्ध नारायणगढ–मुग्लिन सडक दुईतर्फी संचालनमा
चितवन, २७ जेठ ।नारायणगढ–मुग्लिन सडक खण्डमा पहिरोले अवरुद्ध सडक नियमित भएको छ । ईच्छाकामना गाउँपालिका वडा नं. ६ तोपे खोलामा बिहान ८ः४५ बजे खसेको पहिरो पन्छाएसँगै सडक सुचारु भएको हो ।
जिल्ला प्रहरी कार्यालय चितवनका अनुसार बिहान ११ः१५ बजेबाट सडक दुईतर्फी संचालनमा आएको छ । बुधबार रातीदेखि पहिरोको कारण सो सडक पटक पटक अवरुद्ध हुँदै आएको छ । सवारीको लामो लाईन भएका कारण सडक खण्ड पार गर्न घण्टौं समय लाग्ने गरेको छ ।
तपाईको प्रतिक्रिया
