श्रीमान्-श्रीमती मृत फेला: श्रीमती घाँटी रेटिएको र श्रीमान् रूखमा झुन्डिएको अवस्थामा भेटिए

धनगढी,१७ जेष्ठ – कैलालीमा श्रीमान् र श्रीमती मृत अवस्थामा फेला परेका छन् । गोदावरी नगरपालिका–७ बस्ने ६५ वर्षीय हेमबहादुर ऐर र उनकी श्रीमती ५४ वर्षीया पद्मा ऐर मृत फेला परेका हुन् ।

हेमबहादुर घर नजिकै रूखमा झुन्डिएको र उनकी श्रीमती घरभित्र धारिलो हतियारले घाँटी रेटेको अवस्थामा मृत फेला परेको जिल्ला प्रहरी कार्यालय कैलालीका प्रवक्ता प्रहरी नायब उपरीक्षक वेदप्रकाश जोशीले जानकारी दिए । शव परीक्षणका लागि सेती प्रादेशिक अस्पतालमा राखिएको उनले बताए ।