पहिरोले नारायणगढ–मुग्लिन सडक अवरुद्ध, पहिरोमा परी एक घाईते

चितवन, १४ जेठ । नारायणगढ–मुग्लिन सडक खण्ड पहिरोले अवरुद्ध भएको छ । ईच्छाकामना गाउँपालिका वडा नं. ६ नाम्दी खोला नजिकै आज साँझ ५ः३० बजेको समयमा सुख्खा पहिरो खसेर सडक अवरुद्ध बनेको हो ।

जिल्ला प्रहरी कार्यालय चितवनका अनुसार पहिरोमा परी एक जना घाईते भएका छन् । उक्त पहिरोले मुग्लिङबाट नारायणगढ तर्फ आउँदै गरेको ग १ ख ९९०९ नम्बरको हाईस र सोही दिशाबाट जादै गरेको प्र ३–०१–०२३च–०५३५ नम्बरको कारलाई क्षती पुगेको छ । घटनामा परी हाईस चालक नवलपुर कावासोती ७ बस्ने बर्ष ३६ को टिकाराम महतोलाई ढुङ्गाले हातमा लागि सामान्य चोट लागेको प्रहरीले जनाएको छ । अन्य यात्रुहरु सकुशल रहेको र दुवै सवारीमा क्षति पुगेको छ । घाईतेको उपचारका लागि भरतपुरतर्फ ल्याईएको छ ।