चितवनको कुमरोजमा बाघको आक्रमणबाट एक जनाको मृत्यु

चितवन, २६ चैत । बाघको आक्रमणबाट एक जनाको मृत्यु भएको छ । खैरहनी नगरपालिका वडा नं. १२ मा रहेको कुमरोज मध्यवर्ती सामुदायिक वनमा घाँस काट्न गएका स्थानीय वृद्धलाई बाघले आक्रमण गरी मारेको हो ।

जिल्ला प्रहरी कार्यालय चितवनका अनुसार आज बिहान ९ः०५ बजे घाँस काट्न गएका ६५ वर्षीय रामप्रसाद धमलालाई बाघले आक्रमण थियो । बाघको आक्रमणबाट बेपत्ता भएका वृद्धको शव भेटिएको छ । उनको शव जितपुरघाटमा भेटिएको हो ।

बाघले आक्रमण गरेर लगेपछि धमलाको खोजी कार्यका लागि नेपाली सेना र नेपाल प्रहरीको टोली परिचालन गरिएको थियो । शव ११ः२० बजे भेटिएको हो ।