भरतपुर,२५ चैत्र । भरतपुरमा साइक्लिङ म्याराथन हुने भएको छ । भोलि शनिबार प्रज्ञा स्मृति प्रतिष्ठान र प्रदेश खेलकुद विकास परिषद वागमती प्रदेशको साझेदारीमा साइक्लिङ म्याराथन हुन लागेको हो ।
प्रतियोगिताका संयोजक सन्तकुमार दरैका अनुसार नारायणी नदी किनार नारायणगढबाट सुरु हुने साइक्लिङ प्रतियोगिता भोलि शनिबार बिहान ७ बजेबाट सुरु भई ९ बजे समापन गरिनेछ । आज शुक्रबार भरतपुरमा आयोजित पत्रकार सम्मेलनमा संयोजक दरैले भने, ‘जहाँबाट प्रतियोगिता सुरु भएको थियो, समापन पनि त्यही ठाउँमा हुन्छ । ६५ किमीको साइक्लिङ यात्रा हुन्छ ।’
नारायणी तिरबाट सुरु भएको साइक्लिङ यात्रा गीतानगर, पार्वतीपुर, अमृतचोक, मेघौली हुँदै ज्योतिनगर, सिमरी टाउन, राधाकृष्ण टोल, घनघने चोक, सानोगढी हुँदै शिवघाटबाट नारायणी नदी किनारमै आएर समापन हुने साइक्लिङ एसोसिएसनका उपाध्यक्ष सुदीप पौडेलले जानकारी दिए ।
प्रतियोगितामा उत्कृष्ट भएका १० जनालाई ४५ हजारदेखि ५ हजारसम्म नगदसहितका पुरस्कारको व्यवस्था गरिएको छ । माउन्टेन साइकल भएका १९ वर्षमाथिका जोकोहीले यस प्रतियोगितामा सहभागिता जनाउन सक्नेछन् ।
पत्रकार सम्मेलनमा अध्यक्षता गरेकी भरतपुर महानगर प्रमुख रेनु दाहालले दिदी ज्ञानु दाहाल र भाई प्रकाश दाहालको स्मृतिमा प्रज्ञा स्मृति प्रतिष्ठान गठन गरिएको र सोही प्रतिष्ठानले भरतपुरलाई साइकल सिटीको रुपमा चिनाउन नितान्त सेवाको भावनाबाट साइक्लिङ प्रतियोगिता आयोजना गरेको बताइन् ।
भरतपुर,२५ चैत्र । भरतपुरमा साइक्लिङ म्याराथन हुने भएको छ । भोलि शनिबार प्रज्ञा स्मृति प्रतिष्ठान र प्रदेश खेलकुद विकास परिषद वागमती प्रदेशको साझेदारीमा साइक्लिङ म्याराथन हुन लागेको हो ।
प्रतियोगिताका संयोजक सन्तकुमार दरैका अनुसार नारायणी नदी किनार नारायणगढबाट सुरु हुने साइक्लिङ प्रतियोगिता भोलि शनिबार बिहान ७ बजेबाट सुरु भई ९ बजे समापन गरिनेछ । आज शुक्रबार भरतपुरमा आयोजित पत्रकार सम्मेलनमा संयोजक दरैले भने, ‘जहाँबाट प्रतियोगिता सुरु भएको थियो, समापन पनि त्यही ठाउँमा हुन्छ । ६५ किमीको साइक्लिङ यात्रा हुन्छ ।’
नारायणी तिरबाट सुरु भएको साइक्लिङ यात्रा गीतानगर, पार्वतीपुर, अमृतचोक, मेघौली हुँदै ज्योतिनगर, सिमरी टाउन, राधाकृष्ण टोल, घनघने चोक, सानोगढी हुँदै शिवघाटबाट नारायणी नदी किनारमै आएर समापन हुने साइक्लिङ एसोसिएसनका उपाध्यक्ष सुदीप पौडेलले जानकारी दिए ।
प्रतियोगितामा उत्कृष्ट भएका १० जनालाई ४५ हजारदेखि ५ हजारसम्म नगदसहितका पुरस्कारको व्यवस्था गरिएको छ । माउन्टेन साइकल भएका १९ वर्षमाथिका जोकोहीले यस प्रतियोगितामा सहभागिता जनाउन सक्नेछन् ।
पत्रकार सम्मेलनमा अध्यक्षता गरेकी भरतपुर महानगर प्रमुख रेनु दाहालले दिदी ज्ञानु दाहाल र भाई प्रकाश दाहालको स्मृतिमा प्रज्ञा स्मृति प्रतिष्ठान गठन गरिएको र सोही प्रतिष्ठानले भरतपुरलाई साइकल सिटीको रुपमा चिनाउन नितान्त सेवाको भावनाबाट साइक्लिङ प्रतियोगिता आयोजना गरेको बताइन् ।