काठमाण्डौं जाँदै गरेको बस चितवनको ईच्छाकामनामा पल्टिँदा ३८ जना घाईते

चितवन, १२ चैत । जिल्लाको ईच्छाकामना गाउँपालिका वडा नं. ३ पानीधारा स्थित पृथ्वी राजमार्गमा बस पल्टिँदा ३८ जना घाईते भएका छन् । काकडभिट्टाबाट काठमाण्डौंतर्फ जाँदै गरेको बा ५ ख ७९४२ नम्बरको बस दुर्घटना भएको हो ।

जिल्ला प्रहरी कार्यालय चितवनका अनुसार आज बिहान ९ः२० बजेको समयमा आफै अनियन्त्रि भई बस सडकमा पल्टिएको थियो । दुर्घटनामा परी ३८ जना घाईते भएका छन् । घाईते मध्ये २५ जनाको स्थानीय फिस्लिङ स्थित पोलिक्लिनिकमा उपचार भईरहेको छ । उनीहरुको अवस्था सामान्य रहेको छ । ६ जना घाईतेको भरतपुरस्थित कलेज अफ मेडिकल साईन्सेस शिक्षण अस्पताल (पुरानो मेडिकल कलेज)मा उपचार भईरहेको छ । उनीहरु मध्ये एक जनाको अवस्था गम्भीर रहेको प्रहरीले जनाएको छ ।

दुर्घटनामा घाईते मध्ये पाँच जनालाई काठमाण्डौंको बि एण्ड बि अस्पताल गिएको छ । उनीहरु मध्ये दुई जना गम्भीर घाईते रहेका छन् । घटनाका सामान्य घाईते दुई जना काठमाण्डौंतर्फ गएको प्रहरीले न्यूजभित्तोलाई जनाएको छ ।

दुर्घटनापछि बन्द रहेको यातायात क्रेनको सहायताले बसलाई हटाएपछि दुईतर्फ संचालनमा आएको छ ।