नारायणी नदीमा पौडी खेल्न गएका भरतपुरका दुई बालकको डुबेर मृत्यु

चितवन, १९ फागुन । नारायणी नदीमा पौडी खेल्न गएका दुई बालकको मृत्यु भएको छ । बिहीवार दिउँँसो भरतपुर महानगरपालिका वडा नं. ३ स्थित नारायणी नदीमा पौडी खेल्न गएका २ जना बालकको मृत्यु भएको हो ।

जिल्ला प्रहरी कार्यालय चितवनका अनुसार मृत्यु हुनेमा भरतपुर महानगरपालिका वडा नं ७ विकासचोक घर भएका १० वर्षका बिदान गौतम रहेका छन् अर्का अन्दाजी ११/१२ वर्षका बालकको परिचय खुल्न नसकेको प्रहरीले जनाएको छ । दिउँसो २ बजेको समयमा डुबेको अवस्थामा फेला पारी स्थानीयले उद्धार गरी भरतपुर अस्पताल ल्याईएको थियो । भरतपुर अस्पतालमा उपचारको क्रममा २ः३९ बजेको समयमा उनीहरुको मृत्यु भएको हो । 

उनीहरुको नदी किनारमा जमेको पानीमा पौडी खेल्ने क्रममा डुबेका थिए । घटनाकाबारेमा थप अनुसन्धान भईरहेको प्रहरीले जनाएको छ ।