निर्माण व्यवसायी संघ चितवनको अध्यक्षमा केशव लामिछाने निर्विरोध निर्वाचित

चितवन, १९ फागुन । निर्माण व्यवसायी संघ चितवनको अध्यक्षमा केशवप्रसाद लामिछाने निर्विरोध निर्वाचित हुनु भएको छ । संघको २४ औं साधारण सभा तथा अधिवेशबाट लामिछाने निर्विरोध निर्वाचित हुनु भएको हो ।

संघको आजबाट शुरु भएको अधिवेशनमा अध्यक्ष पदमा लामिछानेको मात्रै उम्मेदवारी परेको छ । यसैगरी महिला सदस्य पदमा रोजिना भट्टराई निर्विरोध निर्वाचित हुनु भएको छ । अन्य पदमा भने आवश्यक संख्याभन्दा बढी उम्मेदवारी परेको छ ।

निर्वाचन समितिका अनुसार भोलि बिहानसम्म उम्मेदवारी फिर्ता लिने समय तोकिएको छ । उम्मेदवारी फिर्ता नभए अन्य पदमा भोलि निर्वाचन हुने जनाईएको छ ।