भरतपुरको साकुरा रेष्टुरेन्टबाट एक लाख सहित पाँच जुवाडे पक्राउ

चितवन, ६ फागुन । जिल्ला प्रहरी कार्यालय चितवनले जुवा (तास) खेलिरहेको अवस्थामा पाँच जनालाई पक्राउ गरेको छ । भरतपुर महानगरपालिका वडा नं. १० स्थित साकुरा रेष्टुरेन्टबाट उनीहरुलाई पक्राउ गरिएको हो ।

कार्यालयका प्रवक्ता नरहरी अधिकारी अनुसार कार्यालयबाट खटिएका प्रहरी टोलीले भरतपुर १० का ३६ वर्षिय प्रकाश रानाभाट, रौतहट घर भई भरतपुर ७ मा बस्ने ३० वर्षिय सुवास महतो, भरतपुर ४ का ५६ वर्षिय टुङराज लामिछाने, भरतपुर १० का ४८ वर्षिय सरोज खनाल र भरतपुर १२ का ४२ वर्षिय राजकुमार श्रेष्ठलाई पक्राउ गरिएको हो ।

जुवा खेलिरहेको अवस्थामा उनीहरुबाट तास र नगद एक लाख दुई हजार तीन सय ७० रुपैयाँ बरामद गरिएको छ । घटनाका विषयमा थप अनुसन्धान भईरहेको प्रहरीले न्यूजभित्तोलाई जनाएको छ ।