अलपत्र मुख्यमन्त्री सभाहल, ठेकेदार नै ‘बेपत्ता’

मकवानपुर,२ फागुन। प्रदेश तथा जिल्लास्तरका सरकारी कार्यालयका सभा सम्मेलन तथा गोष्ठी आफ्नै सभाहलमा गर्ने उद्देश्य अनुसार निर्माण सुरु गरिएको ‘बागमती प्रदेश मुख्यमन्त्री सभाहल’ अलपत्र अवस्थामा रहेको छ । बागमती प्रदेश सरकारको लगानीमा निर्माण गरिने भनिएको सो सभाहल म्याद समाप्त हुन ३ महिना बाँकी रहँदासम्म पनि अलपत्र अवस्थामा रहेको छ । निर्माणका लागि तयार पारिएको प्लिन्थ लेभलको ढलान गर्न विछ्याइएको रडहरु खिया लागिसकेको छ भने निर्माण सामग्रीहरु असरल्ल अवस्थामा रहेको छ

मन्त्रालय र उपमहानगरपालिका आफैंको सभाहल नहुँदा विभिन्न कार्यक्रम गर्नका लागि समस्या देखिएपछि मुख्यमन्त्री सभाहल निर्माणको योजना अनुसार गत २०७७ कात्तिक १७ गते प्रदेशका तत्कालिन मुख्यमन्त्री डोरमणि पौडेलले शिलान्यास गरेका थिए ।