बतासको होटेल सञ्चालनमा अवरोध नगर्न उच्च अदालतको अल्पकालीन अन्तरिम आदेश

काठमाडौं, १ फागुन ।  उच्च अदालत पाटनले अन्तरिम आदेशको टुंगो नलागेसम्म ०७६ वैशाख ३० गतेको सम्झौताअनुसार होटेल आनन्द प्रालिको सञ्चालनमा कुनै अवरोध सिर्जना नगर्न अल्पकालीन अन्तरिम आदेश जारी गरेको छ ।

व्यवसायी आनन्द बतासको कम्पनी होटेल आनन्द प्रा.लि.ले पशुपति क्षेत्र विकास कोषलाई विपक्षी बनाएर हालेको रिटमा उच्च अदालत पाटनले अल्पकालीन अन्तरिम आदेश जारी गरेको हो । उच्च अदालतले फागुन ९ गते दुवै पक्षलाई बोलाएको छ । होटल आनन्दले माघ २७ गते रिट दर्ता गरेको थियो ।