१२ हजार नमुना परीक्षण गर्दा १,९५७ जनामा कोरोना संक्रमण, ११ जनाको मृत्यु

काठमाडौं,२५ माघ- पछिल्लो २४ घण्टामा १ हजार ९५७ जनामा संक्रमण पुष्टि भएको छ। स्वास्थ्य तथा जनसंख्या मन्त्रालयका अनुसार देशभर १२ हजार ६९२ नमुना परीक्षण गरिएको थियो।

८ हजार ५८७ जनाको पीसीआर परीक्षण गर्दा एक हजार १८४ र चार हजार १०५ जनाको एन्टीजेन परीक्षण गर्दा ७७३ गरी एक हजार ९५७ जनामा संक्रमण पुष्टि भएको छ। यस्तै कोरोना भाइरस संक्रमणबाट थप ११ जनाको मृत्यु भएको छ।

पछिल्लो २४ घण्टामा पाँच हजार १०३ जना संक्रमणमुक्त भएका छन्। हाल देशभर ३६ हजार १८१ संक्रिय संक्रमित छन् ।