प्रचण्डको आक्रोश : चितवन प्रति सरकार सकरात्मक भएन

भरतपुर, ८ असार । पूर्वप्रधानमन्त्री पुष्पकमल दाहाल प्रचण्डले वर्तमान सरकारले चितवनलाई वेवास्ता गरेको गुनासो गनुभएको छ । चितवनको विकास प्रति सरकार सकरात्मक नभएको उहाँको भनाइ थियो ।

चितवनमा विकासका कामहरु भए भने त्यसको फाइदा प्रचण्डलाई हुन्छ भनेर हालको सरकारले कुनै पनि विकासका कामहरु गर्न नदिएको उहाँको आरोप छ  । पटकपटक विभिन्न समस्याका बारेमा छलफल र जानकारी भएपनि सरकारले अटेर नगरेको उहाँको भनाइ थियो । नारायणी नदी कटान क्षेत्रको अवलोकन गर्न चितवन आइपुगेका माओवादी केन्द्रका अध्यक्ष समेत रहेका प्रचण्डले भने,‘सधै रात रहिरहन्न, उज्यालो पनि आउँछ ।’

नारायणी नदीमा बाढीबाट हुने कटानको स्थायी समाधानका लागि आफूले पहल गरे पनि सरकारले वेवास्ता गरेको उहाँको भनाई थियो ।