कालिका नगरपालिकामा हाम्रो दृष्टि राम्रो दृष्टिले गर्यो राहत कार्यक्रम

चितवन, २४ जेठ । हाम्रो दृष्टि राम्रो दृष्टि नामक सामाजिक संस्थाले सुरु गरेको “हामी छौ नि” अभियान अन्तर्गतको राहत वितरण कार्यक्रमलाई आज सातौं दिन पनि जारी राखेको छ।

कालिका नगरपालिका अन्तर्गतका ३,५,६,७ वडामा गरि ४० अति बिपन्न परिवारलाई राहत स्वरुप खाधान्न सामाग्री वितरण गरेको संस्थाका केन्द्रिय सचीव रोहन बगालेले जानकारी दिनुभयो। आजका दिनसम्म संस्थाको राहत वितरण कार्यक्रममा साथ,सहयोग र हौसला प्रदान गर्नुहुने सम्पुर्णलाई बिशेष धन्यवाद व्यक्त गर्दै अबको केही दिनमै चितवन जिल्लाको एकमात्र गाउँपालिका ईच्छाकामना गाउँपालिका,रत्ननगर नगरपालिका लगायत भरतपुर कै अन्य वडामा समेत राहत वितरण गरिने संस्थाका केन्द्रीय अध्यक्ष अरुण पौडेलले बताउनुभयो।

यो महामारीको समयमा कहि कतै भोको पेटमा हुनुभएको छ भने वा गार्हो अप्ठ्यारोमा हुनुहुन्छ भने आफ्नो संस्थालाई सम्झन र आफुहरु सहयोग गर्न तप्पर रहेको संस्थाका केन्द्रिय कार्यक्रम व्यवस्थापक सुरज रेग्मीले जानकारी दिनुभयो ।

सो राहत वितरण कार्यक्रममा संस्थाका संस्थापक अध्यक्ष बसन्त गैरे,उपाध्यक्ष सविना न्यौपाने,सह-सचीव तथा संयोजक रविन देवकोटा,सदस्य श्रवण बर्सौला,बिपना शाही ठकुरी लगायत हाम्रो दृष्टि राम्रो दृष्टि कालिका नगरपालिका संयोजक पुरुषोत्तम पुडासैनी,शिक्षाविद्र डा. हरि कंडेल लगायत त्यहाँका स्थानीय जनप्रतिनिधि र समाजसेवी स्थानीय युवाहरुको समेत उपस्तिथि रहेको थियो।