वर्षा शिवाकोटीको गुनासो : दुखद घटनामा यूट्युवरले चर्तिकला देखाए

काठमाडौं,२४ जेठ । नायिका वर्षा शिवाकोटीले चितवनमा एक महिलाको शंकाष्पद मृत्यु प्रकरणमा युट्यूवरहरुले चर्तिकला देखाएको टिप्पणी गरेको छिन् । न्याय दिने निकाय छिटो एक्सनमा नउत्रिँदा कारुणिक घटनाहरुलाई युट्युवरले मसला बनाएको उनको भनाइ छ ।

चितवनकी सविता भण्डारीको केही दिनअघि शंकाष्पद मृत्यु भएको थियो । मृत्युपछि सविताका संवेदनशील भिडियोहरु युट्युव र टीकटकमा भाइरल भएका छन । वर्षाले राज्यको न्याय प्रशासनभन्दा युटयूबरहरुको अपरेसन प्रभावकारी हुनु भनेको न्याय मर्नु भएका टिप्पणी गरेकी छन् ।

‘अझ रमाइलोका हिसाबले टीकटकमा लिपसिंकको होडबाजी छ । घटना संवेदनशील छन्, त्यसैले मेरो विनम्र अनुरोध छ, यस्ता घटनालाई मजाकको विषय नबनाऔं । सक्छौं भने सबै मिलेर राज्यलाई दवाव सिर्जना गरौं ।’