भारतमा संक्रमण र मृत्युदर पुनः बढ्यो, एकैदिन ३२ सय जनाको मृत्यु

दिल्ली,१९ जेठ । कोरोनाभाइरस संक्रमणको कारण भारतमा पछिल्लो २४ घण्टामा ३ हजार २ सय ७ जनाको मृत्यु भएको स्वास्थ्य मन्त्रालयले जनाएको छ । १ लाख ३२ हजार ७ सय ८८ जना नयाँ संक्रमित थपिएका छन् भने २ लाख ३१ हजार ४ सय ५६ जना डिस्चार्ज भएका छन् ।

भारतमा ओरालो लागेको संक्रमण दर केही उकालो लागेको तथ्यांकमा देखिएको छ । यहाँ मृत्युदरमा भने कमी आएको छैन । भारतमा अहिलेसम्म कुल २ करोड ८३ लाख भन्दा बढी संक्रमित छन् भने २ करोड ६१ लाख भन्दा बढी डिस्चार्ज भएका छन् ।

भारतमा अहिलेसम्म ३ लाख ३५ हजार १ सय २ जनाले ज्यान गुमाइसकेका छन् भने १७ लाख ९३ हजार ६ सय ४५ जना संक्रमित रहेका छन् ।