प्रेस चौतारी चितवनलाई कालिका दैनिक डटकमको स्वास्थ्य सामाग्री सहयोग

चितवन, ७ जेठ । कालिका दैनिक डटकमले प्रेस चौतारी नेपाल चितवन शाखालाई स्वास्थ्य सामाग्री सहयोग गरेको छ । अनलाइनका निर्देशक आकाश बन्जराले पत्रकारहरुका लागि स्वास्थ्य सामाग्री सहयोग गर्नुभएको हो ।

चौतारीको कार्यालयमा आज शुक्रबार कालिका दैनिकका प्रधान सम्पादक तथा प्रेस चौतारी नेपालका केन्द्रीय सदस्य एवं बामगती प्रदेश सहसंयोजक शिशिर सिंखडाले प्रेस चौतारी चितवनका जिल्ला सहअध्यक्ष कृष्ण आचार्यलाई ती सामाग्री हस्तान्तरण गर्नुभयो ।

कालिका दैनिकका तर्फबाट पाँच हजार थान माक्स र १ सय वटा सेनिटाइजर सहयोग गरिएको सिंखडाले बताउनुभयो । उहाँले प्रेस चौतारीलाई आवश्यक परेका खण्डमा थप स्वास्थ्य सामाग्री उपलब्ध गराउने प्रतिबद्धता जनाउनुभयो । स्वास्थ्य सामाग्री जिल्लामा कार्यरत पत्रकारहरुलाई उपलब्ध गराइनेछ ।

प्रेस चौतारीका सहअध्यक्ष आचार्यले संगठनलाई स्वास्थ्य सामाग्री उपलब्ध गराएकोमा कालिका दैनिकका निर्देशक बन्जारा र प्रेस चौतारीका बागमती प्रदेश सहसंयोजक सिंखडालाई धन्यबाद ज्ञापन गर्नुभयो । कोरोनाका कहरका बेला अंग्रपक्तिमा रहेर सूचना प्रवाह गर्ने तथा फिल्डमा खटिने पत्रकारहरुलाई पहिलो चरणमा र दोस्रो चरणमा सबै पत्रकारलाई स्वास्थ्य सामाग्री वितरण गरिने छ ।

कालिका अनलाइनका निर्देशक बन्जार ग्लोबल गोर्खा समाजका कोषाध्यक्ष तथा हङ्गकङ्गका सफल हेण्डीक्राफ्ट व्यवसायी हुनुहुन्छ । स्वास्थ्य सामाग्री हस्तान्तरण कार्यक्रममा प्रेस चौतारी बागमती प्रदेश सदस्य तिलक रिमाल र प्रेस चौतारी चितवनका जिल्ला सदस्य गोबिन्द घिमिरेको उपस्थिति थियो ।