माडीको आइसोलेशन सेन्टरका लागि १० वटा अक्सिजन सिलिण्डर हस्तान्तरण
न्युजभित्तो/४ जेष्ठ २०७८, मंगलवार १५:५०
माडी, ४ जेठ । जे वाई एस के। (भिलेज डेभलपमेन्ट इन नेपाल) ले आज माडीको कोभिड आइसोलेशन सेन्टरका लागि १० वटा अक्सिजन सिलिण्डर सहित स्वास्थ्य सामग्री उपलब्ध गराएको छ । डेनमार्कका स्वयमसेवीहरुको संस्था जेवाईएसकेले माडीको स्थानीय साझेदार निकाय एकीकृत समावेशी दीगो विकास परियोजना, माडी–८, चितवन मार्फत आइसोलेशन सेन्टरलाई करिब ५ लाख ७० हजार हजार रुपैयाँ बराबरको सहयोग गरेको हो ।
परियोजनाका सचिव गोविन्दप्रसाद पन्तले दिएको जानकारी अनुसार सहयोग रकमबाट १० वटा ठूला अक्सिजन सिलिण्डर, त्यसमा लाग्ने रेगुलेटर र अन्य सामग्रीहरु, वायुमण्डलबाट अक्सिजन संग्रह एवं प्रशोधन गर्ने २ वटा कन्सन्ट्रेटर मेसिन तथा अन्य मेडिकल सामग्रीहरु माडीका नगरप्रमुख ठाकुर ढकालमार्फत हस्तान्तरण गरिएको हो ।
अघिल्लो वर्षको कोभिड सङ्क्रमणको समयमा पनि सो संस्थाले बघौडा अस्पतालको लागि विभिन्न स्वास्थ्य सामग्री उपलब्ध गराएको थियो । संस्थाले माडीको अयोध्यापुरी स्वास्थ्य चौकी र बघौंडा अस्पतालका लागि एक÷एक वटा डेनिस म्याटरनिटी बेड समेत पठाएको सचिव पन्तले जानकारी दिनुभयो ।
सो संस्थाले माडी–८, दक्षिण अयोध्यापुरी र इन्द्रबस्ती गाउँमा शुद्ध खानेपानी वितरण एवं आयआर्जन, प्राङ्गारिक खेती, शिक्षा, स्वास्थ्य र पुस्तकालय लगायतका क्षेत्रमा काम गर्दै आएको छ भने विपत परेका स्थानहरूमा सहयोग गर्दै आएको छ ।
माडी, ४ जेठ । जे वाई एस के। (भिलेज डेभलपमेन्ट इन नेपाल) ले आज माडीको कोभिड आइसोलेशन सेन्टरका लागि १० वटा अक्सिजन सिलिण्डर सहित स्वास्थ्य सामग्री उपलब्ध गराएको छ । डेनमार्कका स्वयमसेवीहरुको संस्था जेवाईएसकेले माडीको स्थानीय साझेदार निकाय एकीकृत समावेशी दीगो विकास परियोजना, माडी–८, चितवन मार्फत आइसोलेशन सेन्टरलाई करिब ५ लाख ७० हजार हजार रुपैयाँ बराबरको सहयोग गरेको हो ।
परियोजनाका सचिव गोविन्दप्रसाद पन्तले दिएको जानकारी अनुसार सहयोग रकमबाट १० वटा ठूला अक्सिजन सिलिण्डर, त्यसमा लाग्ने रेगुलेटर र अन्य सामग्रीहरु, वायुमण्डलबाट अक्सिजन संग्रह एवं प्रशोधन गर्ने २ वटा कन्सन्ट्रेटर मेसिन तथा अन्य मेडिकल सामग्रीहरु माडीका नगरप्रमुख ठाकुर ढकालमार्फत हस्तान्तरण गरिएको हो ।
अघिल्लो वर्षको कोभिड सङ्क्रमणको समयमा पनि सो संस्थाले बघौडा अस्पतालको लागि विभिन्न स्वास्थ्य सामग्री उपलब्ध गराएको थियो । संस्थाले माडीको अयोध्यापुरी स्वास्थ्य चौकी र बघौंडा अस्पतालका लागि एक÷एक वटा डेनिस म्याटरनिटी बेड समेत पठाएको सचिव पन्तले जानकारी दिनुभयो ।
सो संस्थाले माडी–८, दक्षिण अयोध्यापुरी र इन्द्रबस्ती गाउँमा शुद्ध खानेपानी वितरण एवं आयआर्जन, प्राङ्गारिक खेती, शिक्षा, स्वास्थ्य र पुस्तकालय लगायतका क्षेत्रमा काम गर्दै आएको छ भने विपत परेका स्थानहरूमा सहयोग गर्दै आएको छ ।