लायन्सले आयोजना गरेको कार्यक्रममा ५२ जनाद्वारा रक्तदान

चितवन, २७ बैशाख । लायन्स क्लब अफ भरतपुर इन्द्रेणीद्वारा सोमबार आयोजित घुम्ती रक्तदान कार्यक्रममा कुल ५२ जनाले रक्तदान गरेका छ्न । ३१ गते सम्म संचालन हुने कार्यक्रम अन्तरगत आज पहिलो दिन भरतपुर २८ साझापुरमा २३ पोइन्ट, वडा नम्बर २७ तेलौलीमा १६ पोइन्ट र पुर्बी चितवनको सौराहामा १३ पोइन्ट रगत संकलन गरिएको हो ।

सो अवसरमा बोल्दै क्लबका संस्थापक अध्यक्ष लायन द्रोणबाबु सिवाकोटीले कोभिड १९ ले आक्रान्त पारेको बर्तमान समयमा बिरामीहरुले रगतको अभावमा ज्यान गुमाउनु नपरोस भन्ने अभिप्रायले कार्यक्रम आयोजना गरिएको जानकारी दिनुभयो ।

कार्यक्रममा क्लिनिक नेपाल मेघौलीका साथै स्थाानीय अगुवाहरु श्याम अधिकारी, मोहन अधिकारी, आयोजक संस्थाका तर्फबाट द्वितीय उपाध्यक्ष लायन शिला परियार, लायन सरु पाण्डे, लायन लालु अधिकारी, लायन लक्ष्मी नेपाली लगायतको सक्रिय सहभागिता रहेको थियो । कोभिड १९ को संक्रमणका कारण अहिले जिल्लामा रगतको अभाव हुँदै आएको छ ।