पाँचौँ चितवन च्याम्पियनसिप : नारायणगढ फुटबल क्लब विजयी

चितवन । चितवनको भरतपुरमा जारी पाँचौँ चितवन च्याम्पियनसिप अन्तर्गत आजको खेलमा नारायणगढ फुटबल क्लब विजयी भएको छ । खेलको निर्धारित समयमा दुवै पक्षबाट १/१ गोल भएपछि पेनाल्टी सुटआउटबाट नारायणगढ फुटबल क्लब विजयी भएको हो ।

प्रतियोगताको पहिलो हाफमा नारायणगढ फुटबल क्लबका रमेश गडतौलाले १ गोल गरेका थिए । दोस्रो हाफमा राप्ती रिभर फुटलब क्लबका कप्तान मिलन लामाले १ गोल गरेपछि प्रतियोगिता पेनाल्टी सुटआउटमा पुगेको थियो । पेनाल्टी सुटआउटमा नारायणढ फुटबल क्लबले ४ गोल गर्दा राप्ती रिभर फुटबल क्लबले २ गोल मात्रै गरेपछि आजको खेल नारायणगढ फुटबल क्लबको पोल्टामा पुगेको हो । प्रतियोगिता अन्तर्गत आजको खेलमा नारायणगढ फुटबल क्लबका रमेश गडतौला म्यान अफ दी म्याच भएका छन् ।

प्रतियोगिता अन्तर्गत भोलि आइतबार नारायणी मोटर्स युनिक फुटबल क्लब भरतपुर र जुनियर प्रहरी अधिकृत शिक्षालय भरतपुरबीच प्रतिस्पर्धा हुने आयोजक एभरेष्ट क्लबका अध्यक्ष अशोक देवकोटाले जानकारी दिनुभयो । ‘युवाहरुको बाटो कुलत र दुव्र्यसन होइन, चेतना, समाज विकास र राष्ट्र निर्माण हो’ भन्ने नाराका साथ आयोजना गरिएको पाँचौँ चितवन च्याम्पियनसिपमा आठ वटा स्थानीय सहित १६ टिम सहभागी छन् ।