स्माइल नेपालले मनायो आफ्नो तेस्रो वार्षिकोत्सव

चितवन , २४ फागुन । समाज परिवर्तनका लागि युवा अभियान’ स्माइल नेपालले तेस्रो वार्षिकोत्सव मनाएको छ । भरतपुर महानगरपालिका ९ स्थित चितवन मानव सेवा आश्रममा स्माइल नेपालले आफ्नो तेस्रो वार्षिकोत्सव मनाएको हो ।

वार्षिकोत्सवको अवसरमा स्माइल नेपालले आश्रममा आश्रित बेसाहारा, अनाथ तथा अशक्त व्यक्तिहरुलाई खाना खुवाएको हो। उनिहरुलाई खाना खुवाउनुका साथै खाद्यान्न पनि सहयोग गरिएको संस्थाका उपाध्यक्ष अमृत काफ्लेले जानकारी दिए ।

आश्रममा आश्रित असाहय वृद्धवृद्धालाई भोजन गराई वार्षिकोत्सव मनाउन पाउदा खुशी लागेको काफ्ले बताए । आश्रमकी अध्यक्ष ममता शर्मा न्यौपानेले मानव सेवाका लागि गरेको सहयोगप्रती धन्यवाद व्यक्त गरिन् ।

संस्थाले हरेक वर्ष यसरी नै सामाजिक कार्य गर्दै वार्षिकोत्सव मनाउदै आइरहेको छ । चितवनका युवाहरुको समूहले २०७४ सालमा स्थापना गरेको उक्त संस्थाले बिभिन्न सामाजिक क्रियाकलाप गर्दै आइरहेको छ । हरेक समाजमा रहेको समस्याहरुलाई केही हदसम्म कम गर्दै सामाजिक कार्यमा आफ्नो संस्थाले एउटा सफलता प्राप्त गरेको स्माइल नेपालका संस्थापक अध्यक्ष सन्तोष पन्तले बताउनु भयो।तेस्रो वार्षिकोत्सव पारी हिजो भरतपुरमा संस्थाको नाममा केक काटी संस्थाका सदस्यहरुद्वारा मनाएका छन्।