नेपाल कम्युनिष्ट पार्टी दाहाल- नेपाल समूहको चितवनमा प्रदर्शन(फोटो फिचर)

चितवन, माघ २२ । नेपाल कम्युनिष्ट पार्टी दाहाल- नेपाल समूहले आह्वान गरेको आमहड्तालको असर चितवनमा पनि परेको छ । चितवनको पुल्चोकमा जम्मा भएको नेता कार्यकर्ताले अत्यावश्यक सवारी साधन वाहेक अन्य सवै ठप्प पारेका छन् । चितवनको भरतपुर र आसपासको क्षेत्रमा सार्बजनिक सवारीका साधनहरु संचालन भएका छैनन भने केही निजि साना सवारी र मोटरसाइकल संचालन भएका छ्न । बन्दका कारण यस क्षेत्रका स्कुल कलेज लगायत शैक्षिक संस्थाहरु बन्द भएका छ्न ।

आन्दोलनकारीहरु भरतपुर क्षेत्रका विभिन्न स्थानमा पुगेर बन्दको समर्थनमा प्रदर्शन गरेका छ्न । यसै विच चितवनमा प्रचण्ड-माधब समुहले ५ वटा गाडी तोडफोड गरेको छ। नेपाल बन्दकाे दिनमा सवारी साधन सञ्चालन गरेकाे भन्दै उक्त समुहले गाडी तोडफोड गरेको हो। रामनगरको भतेरी जङल ,आपटारी, मिलन चोक र आस्था चोकमा गरि ५ वटा गाडी तोडफोड गरेको जिल्ला प्रहरी कार्यलय चितवनका प्रहरी प्रवक्ता सुर्य बहादुर थापाले जानकारी दिए। उनकानुसार माेटरसाइकलमा आएका केही व्यक्तिहरुले गाडीमा ढुङ्गा हानेर भागेका थिए भने गाडीमा सामान्य क्षति भएकाे जनाइएको छ ।