बार्सिलोना र एइवर एक–एक गोलको बराबरीमा रोकियो

काठमाडौं, १५ पुस ।  स्पेनिस ला लिगामा बार्सिलोना बराबरीमा रोकिएको छ । गएराति भएको खेलमा बार्सिलोना एइवरसँग एक–एक गोलको बराबरीमा रोकिएको हो । खेलमा एइवरका लागि किके गार्सिया र बार्सिलोनका ओस्मान डेम्बेलेले गोल गरे । बराबरीले १५ खेलबाट २५ अंक जोडेको बार्सिलोना अंकतालिकाको छैटौं स्थानमा छ ।

एइवर १६ अंक जोडेर १५ औं स्थानमा रहेको छ । राति नै भएका खेलमा भिल्लारियलले सेभिल्लालाई २-० र लेभान्टेले रियल बेटिसलाई ४-३ गोल अन्तरले हराएको छ । त्यस्तै कार्डिज र रियल भालाडोडिले गोलरहीत बराबरी खेलेर अंक बाँडेका छन्।