कोरोनाबाट मृत्यु भएका प्रहरीका परिवारलाई एक करोड राहत

नयाँ दिल्ली । भारतको नयाँ दिल्ली प्रदेशले कोरोना भाइरसविरुद्ध काम गरिरहेका समय मृत्यु भएका प्रहरीको परिवारलाई राहत स्वरुप एक करोड भारतीय रुपैयाँ दिने घोषणा गरेको छ ।

केन्द्रीय राजधानी समेत रहेको प्रदेश सरकारले कोरोना विरुद्धको लडाइँका क्रममा निधन भएका अमितको परिवारलाई एक करोड दिने घोषणा गरेको हो ।

नयाँ दिल्लीका मुख्यमन्त्री अरविन्द केजरीवालले हिन्दी भाषामा सामाजिक सञ्जाल ट्वीटरमा लेख्दै अमितले आफ्नो जीवनको समेत परवाह नगरी निरन्तर कोरोना विरुद्धको लडाइँमा सक्रिय भएको उल्लेख गर्नुभएको छ ।

उहाँले लेख्नुभएको छ, “कामको सिलसिलामा उहाँलाई कोरोनाभाइरसको सङ्क्रमण भयो र दुर्भाग्यबस उहाँले हामीलाई छाडेर जानुभयो । उहाँको योगदानलाई म सलाम गर्दछु र आत्माको चिर शान्तिको कामना गर्दछु ।”

मुख्यमन्त्री केजरीवालले उहाँको योगदान र लगावको उच्च मूल्याङ्कन गर्दै उहाँको परिवारलाई एक करोड रुपैयाँ प्रदान गर्ने कुरा पनि ट्वीटरमै लेख्नुभएको छ । एजेन्सीको सहयोगमा