कोरोनाबाट भारतमा ज्यान गुमाउनेको संख्या एक हजार नाघ्यो

काठमाडौँ । कोरोना भाइरस (कोभिड–१९) को संक्रमणबाट छिमेकी मुलुक भारतमा ज्यान गुमाउनेको संख्या एक हजार नाघेको छ । संक्रमितको संख्या ३१ हजार ३ सय ४२ पुगेको छ ।

भारतमा पछिल्लो २४ घण्टामा ६९ जनाले ज्यान गुमाएसँगै मृत्यु हुनेको संख्या १ हजार ८ पुगेको हो । भारतमा संक्रमितमध्ये ७ हजार ७४७ जना उपचारपछि निको भएका छन् । २२ हजार ६०५ जनाको विभिन्न अस्पतालमा उपचार भइरहेको छ । सार्क मुलुकमा सबै भन्दा बढी कोरोना प्रभावित मुलुकमा पनि भारत परेको छ ।

विश्वमा सबैभन्दा बढी कोरोनाको संक्रमित मुलुकको सूचीमा भारत १५ औं नम्बरमा रहेको छ भने एसियाली मुलुकमा भारत चौथो नम्बरमा रहेको छ ।