आदिवासी जनजाति खुल्लामा शंकर श्रेष्ठको उम्मेदवारी

चितवन, १० असार । राष्ट्रिय स्वतन्त्र पार्टी (रास्वपा) को स्थापनाताकादेखि संगठन निर्माणमा जुट्दै आउनु भएका शंकर श्रेष्ठले जारी महाधिवेशनमा आदिवासी जनजाति तर्फ खुल्ला केन्द्रीय सदस्य पदमा उम्मेदवारी दिनु भएको छ । पार्टीमा संगठनको भित्री पाटोलाई सम्हाल्दै आउनु भएका श्रेष्ठ यस अघिको केन्द्रीय समितिको सचिवालय सचिवका रुपमा रहेर काम गर्नुभएको थियो ।

जन्मथलो गोरखा भई काठमाण्डौंलाई कर्मथलो बनाउनु भएका श्रेष्ठ केन्द्रीय संगठन विभागको तर्फबाट प्रतिनिधि हुनुहुन्छ । उहाँले भन्नुभयो “रास्वपामा स्थापना कालमा संस्थापक २१ जना हुनुहुन्थ्थ्यो, म २२ औं हुँ । अहिलेसम्म म संगठनमानै निरन्तर काम गरिराखेको छु ।” पार्टीको दस्ताभेजिकरणको पाटोमा संगठन बिस्तारको पाटोमा उहाँ निरन्तर लागि रहनु भएको छ ।

उहाँले भन्नुभयो “विद्यार्थी कालदेखि नै राजनैतिक पृष्टभूमिामा रहेको थिएँ । निरन्तर राजनीतिमानै छु ।” स्वतन्त्र युवा अभियानमा नेतृत्व गर्नुभएका श्रेष्ठले २० वर्षजति युवा अभियानमा काम गर्नुभयो । देशै भर संगठन वनाउनका लागि दिन रात नभनिकन खटिनु भएका श्रेष्ठ पार्टी संगठनलाई अझै सशक्त ढंगले अघि बढाउन आफ्नो उम्मेदवारी रहेको बताउनुहुन्छ । उहाँले भन्नुभयो । “पार्टीलाई अझ मजभूत वनाउनु पर्ने छ । जति लागिएको छ जनतामाझ छोटो समयमा पुगेको छ, यसलाई अझ बलियो वनाएर देशलाई संबृद्धि वनाउन आबश्यक छ ।”