जेनजी आन्दोलनलाई निर्वाचनमा सीमित गरियो : उपेन्द्र यादव
न्युजभित्तो/२० कार्तिक २०८२, बुधबार १६:४८
काठमाडौँ, १९ कात्तिक । जनता समाजवादी पार्टी नेपालका अध्यक्ष उपेन्द्र यादव जेनजी पुस्ताको आन्दोलनलाई निर्वाचनमा सीमित गरिएको टिप्पणी गरेका छन् ।
बुधबारदेखि काठमाडौँमा सुरु भएको जसपा नेपालको केन्द्रीय समितिको बैठकमा राजनीतिक प्रतिवेदन प्रस्तुत गर्दै यादवले सो टिप्पणी गरेका हुन् ।
उनले आफ्नो प्रतिवेदनमा भनेका छन्, ‘युवा पुस्ताले गरेको विद्रोहको उपलब्धि केवल सरकार परिवर्तन र २०८४ मा हुने संसदीय निर्वाचन २०८२ मा हुनेमा मात्र सीमित रहने हो कि रु भन्ने आशङ्का र द्धविधा उत्पन्न भएको छ ।’
उनले अहिले संविधान संशोधन अथवा पुनर्लेखन, निर्वाचन प्रणाली र शासकीय स्वरूपमा परिवर्तन, समानुपातिक समावेशी तथा पहिचानको मुद्दा ओझेलमा परेको उल्लेख गरेका छन् । उनले भनेका छन्, ‘क्रान्तिकारी परिवर्तन भनेको केवल सत्ताको हस्तान्तर मात्र होइन, बरु सामाजिक, आर्थिक, राजनीतिक र सांस्कृतिक जीवनमा आमूल रूपान्तरण हो ।’
तोकिएको समयमा चुनाव हुनुपर्ने उल्लेख गर्दै उनले प्रतिनिधि सभाको निर्वाचनका लागि विश्वव्यापी लोकतान्त्रिक मूल्य र मान्यता अनुरूप समान जनसङ्ख्याका आधारमा प्रतिनिधित्वको व्यवस्था गर्न निर्वाचन क्षेत्र पुनः निर्धारण हुनुपर्ने माग गरेका छन् ।
उनले भनेका छन्, ‘निर्वाचन क्षेत्र निर्धारण गर्नुका साथै महिला र दलित समुदायका लागि छुट्टै आरक्षित निर्वाचन क्षेत्रको व्यवस्था गरिनुपर्दछ ।’
जनतामा निहित रहेको सार्वभौमसत्ता र राजकीय सत्ता तथा संविधानको प्रतिकुल हुने गरी गरिएका कार्यहरू आफ्नो पार्टीलाई स्वीकार नरहेको उल्लेख गर्दै उनले विगतमा भएका उपलब्धिलाई धराप पार्ने षड्यन्त्र भइरहेको बताए ।
दोस्रो जनआन्दोलनको समयमा भएको घटना, मधेस आन्दोलन तथा थरुहट आन्दोलनमा भएको घटनासम्बन्धी छानबिन आयोग लगायतका न्यायिक तथा छानबिन आयोगका सम्पूर्ण प्रतिवेदनहरू सरकारले सार्वजनिक गर्न अध्यक्ष यादवले माग गरेका छन् ।
काठमाडौँ, १९ कात्तिक । जनता समाजवादी पार्टी नेपालका अध्यक्ष उपेन्द्र यादव जेनजी पुस्ताको आन्दोलनलाई निर्वाचनमा सीमित गरिएको टिप्पणी गरेका छन् ।
बुधबारदेखि काठमाडौँमा सुरु भएको जसपा नेपालको केन्द्रीय समितिको बैठकमा राजनीतिक प्रतिवेदन प्रस्तुत गर्दै यादवले सो टिप्पणी गरेका हुन् ।
उनले आफ्नो प्रतिवेदनमा भनेका छन्, ‘युवा पुस्ताले गरेको विद्रोहको उपलब्धि केवल सरकार परिवर्तन र २०८४ मा हुने संसदीय निर्वाचन २०८२ मा हुनेमा मात्र सीमित रहने हो कि रु भन्ने आशङ्का र द्धविधा उत्पन्न भएको छ ।’
उनले अहिले संविधान संशोधन अथवा पुनर्लेखन, निर्वाचन प्रणाली र शासकीय स्वरूपमा परिवर्तन, समानुपातिक समावेशी तथा पहिचानको मुद्दा ओझेलमा परेको उल्लेख गरेका छन् । उनले भनेका छन्, ‘क्रान्तिकारी परिवर्तन भनेको केवल सत्ताको हस्तान्तर मात्र होइन, बरु सामाजिक, आर्थिक, राजनीतिक र सांस्कृतिक जीवनमा आमूल रूपान्तरण हो ।’
तोकिएको समयमा चुनाव हुनुपर्ने उल्लेख गर्दै उनले प्रतिनिधि सभाको निर्वाचनका लागि विश्वव्यापी लोकतान्त्रिक मूल्य र मान्यता अनुरूप समान जनसङ्ख्याका आधारमा प्रतिनिधित्वको व्यवस्था गर्न निर्वाचन क्षेत्र पुनः निर्धारण हुनुपर्ने माग गरेका छन् ।
उनले भनेका छन्, ‘निर्वाचन क्षेत्र निर्धारण गर्नुका साथै महिला र दलित समुदायका लागि छुट्टै आरक्षित निर्वाचन क्षेत्रको व्यवस्था गरिनुपर्दछ ।’
जनतामा निहित रहेको सार्वभौमसत्ता र राजकीय सत्ता तथा संविधानको प्रतिकुल हुने गरी गरिएका कार्यहरू आफ्नो पार्टीलाई स्वीकार नरहेको उल्लेख गर्दै उनले विगतमा भएका उपलब्धिलाई धराप पार्ने षड्यन्त्र भइरहेको बताए ।
दोस्रो जनआन्दोलनको समयमा भएको घटना, मधेस आन्दोलन तथा थरुहट आन्दोलनमा भएको घटनासम्बन्धी छानबिन आयोग लगायतका न्यायिक तथा छानबिन आयोगका सम्पूर्ण प्रतिवेदनहरू सरकारले सार्वजनिक गर्न अध्यक्ष यादवले माग गरेका छन् ।