सेल्सबेरी चितवनको दोस्रो शाखा भरतपुरको बुद्धचोकमा, दुवै शाखाबाट १५ प्रतिशतसम्म छुट

चितवन, २४ असोज । चितवनको भरतपुरमा डिपार्टमेन्ट स्टोर सञ्चालन गर्दै आएको सेल्सबेरी चितवनले आफ्नो दोस्रो शाखा भरतपुर महानगरपालिका–७ बुद्धचोकमा सञ्चालनमा ल्याउने भएको छ । घटस्थापनाको अवसर पारेर यही असोज २५ गतेदेखि बुद्धचोकमा सेल्सबेरीको दोस्रो शाखा शुभारम्भ हुन लागेको हो ।

उपभोक्ताको चाहना र आवश्यकतालाई प्राथमिकता दिँदै गुणस्तरीय सेवा प्रदान गर्ने प्रतिबद्धतासहित नयाँ शाखा सञ्चालनमा ल्याउन लागिएको सिबिसीका कार्यकारी अध्यक्ष दिनुप बरालले बताउनुभयो । बुद्धचोकस्थित क्यान्सर अस्पताल नजिकै स्थापना गरिएको नयाँ शाखाले त्यस क्षेत्रका उपभोक्तालाई दैनिक उपभोग्य सामग्री तथा विभिन्न आवश्यक वस्तु खरिद गर्न सहज हुने अपेक्षा गरिएको उहाँले बताउनुभयो ।

बुद्धचोक शाखा शुभारम्भको दिन (२५ असोजमा) पाँच देखि १५ प्रतिशतसम्म छुटको व्यवस्था गरिएको उहाँले बताउनुभयो । असोज २६ गतेदेखि बुद्धचोक र सिबिसी प्लाजामा रहेको पहिलो शाखाबाट समेत दुईदेखि १५ प्रतिशतसम्म छुट दिईएको उहाँको भनाई छ । यो छुट सुविधा दशैंभरी रहने बरालले जानकारी दिनुभयो ।

सेल्सबेरीले नयाँ शाखाको शुभारम्भ र चितवनमा आफ्नो पहिलो शाखा सञ्चालनको एक वर्ष पूरा भएको अवसरमा दुवै शाखाबाट विशेष छुटको व्यवस्था गरिएको उहाँको भनाई छ । उहाँले भन्नुभयो “असोज २६ गतेदेखि दसैंभर ग्राहकले दुईदेखि १५ प्रतिशतसम्म छुट प्राप्त गर्न सक्नेछन् ।” नयाँ शाखाको उद्घाटनसँगै ग्राहकलाई आकर्षित गर्न विभिन्न विशेष अफर, आकर्षक मूल्य र छुटका कार्यक्रमसमेत ल्याइएको उहाँको भनाई छ ।

सेल्सबेरीको पहिलो शाखा भरतपुरस्थित एयरपोर्ट अगाडि सिबिसी प्लाजामा रहेको छ । उक्त शाखाले एक वर्षको सेवा पूरा गरेसँगै कम्पनीले चितवनमा आफ्नो सेवा विस्तार गरेको हो । दोस्रो शाखा सञ्चालनमा आएसँगै कृष्णपुर क्षेत्रका उपभोक्तालाई किनमेलका लागि थप सहजता हुने उहाँले बताउनुभयो ।

ग्राहकको चाहना, आवश्यकता र सुविधालाई प्राथमिकतामा राखेर सेवा विस्तार गर्ने उद्देश्यले नयाँ शाखा स्थापना गरिएको उहाँको भनाइ छ । दैनिक उपभोग्य लगायत घरायसी सम्पूर्ण वस्तु एउटै स्थानबाट खरिद गर्न सकिने डिपार्टमेन्ट स्टोरको अवधारणाले व्यस्त उपभोक्तालाई समय बचत गर्नसमेत सहयोग पुग्ने उहाँले बताउनुभयो ।

नयाँ शाखाको शुभारम्भ तथा पहिलो शाखाको वार्षिकोत्सवको अवसरमा उपलब्ध गराइएको छुटबाट ग्राहकले लाभ लिन सक्नेछन् । सेल्सबेरीले ग्राहकको माया, विश्वास र सहयोगलाई आफ्नो व्यावसायिक यात्राको महत्वपूर्ण आधारका रूपमा लिँदै आएको कार्यकारी अध्यक्ष बरालले बताउनुभयो ।

सेल्सबेरीको नयाँ शाखाको शुभारम्भका अवसरमा ग्राहकलाई उपस्थित भई सेवा तथा विशेष अफरको लाभ लिन उहाँले आग्रह गर्नुभयो । आगामी दिनमा पनि ग्राहकको आवश्यकता र चाहनालाई प्राथमिकता दिँदै सेवा तथा सुविधालाई थप प्रभावकारी बनाउने प्रतिबद्धता कार्यकारी अध्यक्ष बरालले व्यक्त गर्नुभयो ।