उपसभामुख राना चीन भ्रमण सकेर स्वदेश फिर्ता

काठमाडौँ, १२ साउन ।उपसभामुख इन्दिरा राना जनवादी गणतन्त्र चीनको छदिने औपचारिक भ्रमण सम्पन्न गरी आइतबार राति स्वदेश फर्कनुभएको छ।चीनको हेनान प्रान्समा आयोजित कार्यक्रममा सहभागी भएर उपसभामुख राना आइतबार राति ११ः३० बजे स्वदेश फर्कनुभएको हो ।
्
उपसभामुख राना यही साउन ७ देखि ११ गतेसम्म आयोजित साङ्घाई सहयोग मञ्च, मिडिया र थिङ्क ट्याङ्क शिखर सम्मेलनमा सहभागी हुनुभएको थियो । सो कार्यक्रममा उहाँले ‘विकासका लागि शान्तिपूर्ण र स्थिर वातावरणको सुरक्षामा नेपालको दृष्टिकोण’ विषयमा सम्बोधन गर्नुभएको थियो भने हेनान प्रान्सका अधिकारीहरूसँग भेटघाट गर्नाका साथै सोही प्रान्समा अवस्थित झेडझोउ शहरलगायत विभिन्न स्थानको अवलोकन भ्रमणसमेत गर्नुभएको थियो ।

उपसभामुख राना नेतृत्वको प्रतिनिधिमण्डलमा सङ्घीय संसद् सचिवालयका उपसचिव जगदीश न्यौपानेसमेत सम्मिलित हुनुहुन्थ्यो । उहाँ दुई सदस्यीय प्रतिनिधिमण्डलको नेतृत्व गर्दै साउन ६ गते त्यसतर्फ प्रस्थान गर्नुभएको थियो । रासस