भरतपुरमा खुल्यो अत्याधुनिक ‘मोबाइल चौतारी’, दसैँ अफरमा सुनको औँठीदेखि ३२ इन्चको टिभीसम्म उपहार!

भरतपुर, असोज २५ । चितवनको भरतपुर-९, हाकिमचोकस्थित मालिका मन्दिर (पृथ्वी टोल) नजिकै अत्याधुनिक ‘मोबाइल चौतारी’ शोरुम औपचारिक रूपमा सञ्चालनमा आएको छ। घटस्थापनाको शुभ अवसर पारेर आयोजित एक समारोहका बिच उद्योग वाणिज्य संघ, चितवनका अध्यक्ष चिरञ्जीवी सुवेदीले शोरुमको उद्घाटन गर्नुभएको हो ।

कार्यक्रममा  प्रमुख अतिथिका रूपमा सम्बोधन गर्दै अध्यक्ष सुवेदीले धेरै व्यवसायहरू पलायन भइरहेको र युवाहरू विदेशिने क्रम तीव्र बनेको विषम परिस्थितिमा स्वदेशमै नयाँ उद्यम सुरु हुनु प्रशंसनीय कदम भएको बताउनुभयो । “वैदेशिक रोजगारीमा जान छोडेर आफ्नै देशमा केही गर्नुपर्छ भन्ने हुटहुटीका साथ युवाहरूले नयाँ व्यवसाय सुरु गर्नुले नेपालमा सकारात्मक सन्देश प्रवाह गरेको छ,” सुवेदीले भन्नुभयो [१]। व्यवसायमा सफलता पाउन ग्राहकको सन्तुष्टिलाई नै मुख्य मन्त्र  मान्नुपर्नेमा जोड दिँदै उहाँले मोबाइल चौतारीको निरन्तर प्रगतिको शुभकामना व्यक्त गर्नुभयो ।

वैदेशिक रोजगारीमा दुई वर्ष बिताएर फर्कनुभएका तथा विगत ८ वर्षदेखि यसै क्षेत्रमा अनुभव हासिल गर्नुभएका युवा उद्यमी एवं मोबाइल चौतारीका प्रोप्राइटर दिनेश पण्डितले स्वदेशमै मेहनत गरेर आत्मनिर्भर बन्न सकिन्छ भन्ने सन्देश दिन व्यवसाय सुरु गरिएको बताउनुभयो । युवाहरूलाई आफ्नै मातृभूमिमा स्वरोजगार बन्न प्रेरित गर्ने उद्देश्यका साथ अगाडि बढेको उहाँको भनाइ छ ।

बजारको भिडभाडमुक्त क्षेत्र, व्यवस्थित पार्किङ र सुलभ मूल्यको सुविधा रहेको यस शोरुममा आइफोन, सामसङ, भिभो, साओमी (Xiaomi) लगायत सम्पूर्ण प्रमुख ब्रान्डका मोबाइलहरूसँगै चार्जर, कभर लगायतका एसेसरिजहरू उपलब्ध छन् । साथै, दक्ष प्राविधिकहरूबाट विशेष गरी आइफोन लगायत सम्पूर्ण ब्रान्डका मोबाइल मर्मत (रिपेयरिङ) को सुविधासमेत प्रदान गरिन्छ ।

ग्राहकहरूको सहजताका लागि नागरिकताको प्रतिलिपि र आफ्नै नाममा रहेको सिमकार्डका आधारमा ०% (शून्य प्रतिशत) ब्याजदरमा किस्ताबन्दी (EMI) मा मोबाइल खरिद गर्न सकिने व्यवस्था मिलाइएको छ ।

दसैँ तथा चाडपर्वको अवसरमा ग्राहकहरूका लागि २० हजार रुपैयाँभन्दा माथिको खरिदमा स्क्र्याच कुपन अफर ल्याइएको छ। कुपनमार्फत ग्राहकहरूले स्मार्ट वाच, पावर बैंक, ३२ इन्चको टिभी तथा सुनको औँठी जस्ता आकर्षक उपहारहरू प्राप्त गर्न सक्ने  प्रोप्राइटर  पण्डितले बताउनुभयो । ।