एनपीएलः पहिलो जितको खोजीमा कर्णाली र काठमाडौं

काठमाडौं, १९ मंसिर । कीर्तिपुरको त्रिवि मैदानमा जारी नेपाल प्रिमियर लिग (एनपीएल) क्रिकेटमा आज (बुधबार) दुई खेल हुँदैछन् । बिहान ९ः१५ बजे सुरु हुने पहिलो खेलमा कर्णाली याक्स र काठमाडौं गोर्खाज भिड्दैछन् । यस्तै दिउँसो १ः१५ कजे सुरु हुने खेलमा विराटनगर किंग्स र लुम्बिनी लायन्स आमने–सामने हुँदैछन् ।

यसअघि पहिले खेल हारेका कर्णाली र काठमाडौं आज पहिलो जितको खोजीमा हुनेछन् । कर्णाली जनकपुर कोल्ट्ससँग पराजित भएको थियो भने काठमाडौंले चितवन राइनोजलाई नतिजा सुम्पिएको थियो ।

कर्णालीको कप्तानी सोमपाल कामीले तथा काठमाडौंको करण केसीले गर्नेछन् ।