दरै उत्थान समाजको केन्द्रीय अध्यक्षमा चितवनका मंगलराम

भरतपुर, १७ वैशाख । । नेपाल दरै उत्थान समाजको केन्द्रीय अध्यक्षमा चितवनका मंगलराम दरै निर्वाचित हुनु भएको छ । शुक्रबार र शनिबार नवलपुरको अरूणखोलामा सम्पन्न दोस्रो राष्ट्रिय महाधिवेशनबाट मंगलरामको नेतृत्वमा २३ सदस्यीय नयाँ कार्यसमिति चयन गरिएको हो।

आगामी चार वर्षे कार्यकालको लागि चयन भएको कार्यसमितिको वरिष्ठ उपाध्यक्षमा चिजबहादुर दरै, उपाध्यक्षमा रामचन्द्र दरै र ज्योतिमाया दरै चयन हुनु भएको छ । समाजको महासचिवमा रामु दरै, सचिवमा खुबलाल दरै, यमबहादुर दरै र वेलबहादुर दरै चयन हुनु भएको छ। कोषाध्यक्षमा भने दिलबहादर दरै चयन हुनु भएको छ ।

देशभरका दरै समुदायलाई एकै ठाउँमा उभ्याउनको लागि पनि दरै उत्थान समाजको गठन भएको हो। यो संस्थाले स्थापना भएदेखि दरै जातिको भाषा, धर्म र संस्कृति संरक्षण तथा सम्वर्द्वन गर्दै आएको छ।