माडीका होटल व्यवसायीलाई व्यक्तित्व विकास एवम् उद्घोषण तालिम

माडी (चितवन), १४ फागुन । होटल ब्यबसायी संघ चितवन, माडी इकाईले आयोजना गरेको एक हप्ते व्यक्तित्व विकास एवम् उद्घोषण तालिम शनिबार सम्पन्न भएको छ। उद्योग वाणिज्य संघ, चितवनको आर्थिक सहयोगमा तालिम सम्पन्न भएको हो ।

माडी इकाइका अध्यक्ष गोपाल श्रेष्ठको सभापतित्वमा सम्पन्न कार्यक्रममा माडी नगरपालिकाका नगर प्रमुख ताराकुमारी काजी महत्तो प्रमुख अतिथि, होटल ब्यबसायी संघ, चितवनका अध्यक्ष केशब हडखोले बिशिस्ट अतिथि रहनु भएको थियो । माडी नगरपालिका वडा नं. ३ का वडा अध्यक्ष पुरण चौधरी,

कार्यक्रम संयोजक नारायण सुबेदीले स्वागत गर्नुभएको कार्यक्रम माडी वसन्तपुर स्थित होटल प्याराडाइजमा संचालन गरिएको हो । मनोज पन्त र करिश्मा थापाले तालिम प्रदान गर्नुभएको हो ।

तालिम समापन समारोह प्रशिक्षार्थीहरुले संचालन गरेका थिए । पुनः यहि फाल्गुण महिना भित्र होटल ब्यबसायी संघ, चितवन माडी इकाईले २० जनाको लागि कुक सम्बन्धी तालिम संचालन गर्ने अध्यक्ष गोपाल श्रेष्ठले जानकारी दिनुभयो ।