चिनजानका व्यक्तिबाटै कञ्चनपुरमा १७ वर्षिया किशोरीमाथि बलात्कार, तीन जना पक्राउ

कैलाली,२५ मंसिर । कञ्चनपुरमा १७ वर्षिया किशोरी बलात्कारगर्ने तीन जना प्रकाउ परेका छन् । जिल्लाको बेलौरी नगरपालिका स्थित कक्षा ९ मा अध्ययन किशोरीलाई बलात्कार गरेको भन्दै प्रहरीले ३ जनालाई पक्राउ गरेको हो । पक्राउ परेका तीनै जना किशोरीको चिनजानको व्यक्ति हुन् । उनीहरु तीन जनाले किशोरीलाई फरक फरक मितिमा बलात्कार गरेको प्रहरीले जनाएको छ ।

किशोरी र परिवारजनको जाहेरीका आधारमा बेलौरीकै २० वर्षीय दीपक बोट, ३७ वर्षीय साधुराम राना र ३३ वर्षीय हरिशंकर रानालाई पक्राउ गरी थप अनुसन्धान गरिरहेको इलाका प्रहरी कार्यालय बेलौरीका प्रहरी निरीक्षक दानसिंह भण्डारीले जानकारी दिए।

किशोरीको महिनावारी रोकिएपछि परिवारका सदस्यहरूले घटनाबारे थाहा पाएका थिए र किशोरीलाई स्वास्थ्य परीक्षणका लागि सेती प्रादेशिक अस्पताल धनगढी लगिएको छ।