इन्द्र बानियाँविरुद्ध समाचार लेखेको आरोपमा दुई पत्रकारमाथि कुटपिट

हेटौँडा, १९ मंसिर।  नेपाली कांग्रेस वागमती प्रदेश सभापति एवं नवनिर्वाचित सांसद इन्द्रबहादुर बानियाँविरुद्ध समाचार लेखेको भन्दै मकवानपुरमा दुईजना पत्रकारमाथि कांग्रेस कार्यकर्ताहले कुटपिट गरेका छन् । वागमती एक्सप्रेस साप्ताहिकमा बानियाँविरुद्ध समाचार लेखेको भन्दै पत्रिकाको प्रकाशक रमेश बञ्जरा (इन्द्र) तथा पत्रकार रामकुमार रिजाल (एलन) माथि कुटपटि भएको हो ।

हेटौँडा उपमहानगरपालिका-२ स्थित पल्पसा होटलमा आइतबार राति करिब सवा ९ बजेको समयमा कांग्रेसका युवा नेता राजेश भेटवालको नेतृत्वमा आएका करिब एक दर्जन कार्यकर्ताले बञ्जरा र एलनमाथि आक्रमण गरी घाइते बनाएका थिए ।