चितवनको इच्छाकामना-५ ठङराङमा लटरम्म फलेको सुन्तला

चितवन, १६ मंसिर।  चितवनको इच्छाकामना–५ ठङराङमा यसबर्ष लटरम्म फलेको सुन्तला फलेको छ । अहिले यहाँ उत्पादन भएको सुन्तला बजारमा जान थालेको छ । तामिन क्षेत्रका धेरै सुन्तलाको बोट मरेपनि ठङराङको बगैँचामा एउटा बोटमा तीन कुन्टलसम्म सुन्तला फलेको तामिन कृषि सहकारी संस्थाका अध्यक्ष हरिबहादुर नेपालले बताउनुभयो । उहाँले भन्नुभयो,‘ ठङराङको सुन्तला बगैचामा पहेँलपुर भएर सुन्तला पाकेका छन् । हरेक बोटमा लटरम्म सुन्तला फलेको देख्न सकिन्छ ।’ यहाँ उत्पादन भएको सुन्तला पुस महिनासम्ममा टिपेर बजार पठाइन्छ । यहाँको सुन्तलाको मुख्य बजार क्षेत्र मुग्लिन हो । यहाँ उत्पादन भएको सुन्तला रसिलो र गुलियो छ,मनकामना र तामिनको सुन्तलामा केही फरक छैन,नेपालले भन्नुभयो ।

तस्विर