कामना सेवा विकास बैंकको वार्षिकोत्सवमा रक्तदानदेखि रंगोली प्रतियोगितासम्म

चितवन, २६ कात्तिक । कामना सेवा विकास बैंकले आफ्नो १६ औं वार्षिकोत्सव विविध कार्यक्रम गरी मनाएको छ । बैंकको नारायणगढ क्षेत्रीय कार्यालय अन्तर्गतका शाखाहरुले वित्तीय साक्षरता, सरसफाई, रंगोली प्रतियोगिता, बालबालिकासँग खुशी साटासाट, रक्तदनान लगायतका कार्यक्रम गरेर १६ औं वार्षिकोत्सव मनाएको हो ।

बैंकका क्षेत्रीय प्रमुख शिवकुमार ढकालका अनुसार आज शनिबार नारायणगढ शाखा परिसरमा रक्तदान कार्यक्रम सम्पन्न भएको छ । कार्यक्रममा १०७ जनाले रक्तदान गरेको छन् ।

कात्तिक २१ गते नवलपरासीको दलदले, चितवनको ज्योतिनगर, खैरहनी, पदमपुर र अमृतचोक शाखाले वित्तीय साक्षरता कार्यक्रम सम्पन्न गरेका छन् । 

कात्तिक २२ गते सबै शाखाको सहभागितामा पवित्र तीर्थस्थल देवघाटधामको गलेश्वर आश्रम परिसर सरसफाई गरिएको छ ।

कात्तिक २४ गते खुशी साटासाट कार्यक्रम अन्तर्गत विकास चोक शाखाले राईज अफ अर्फान चिल्ड्रेन होम भरतपुर र नारायणगढ शाखाले सहाराको घर भरतपुरमा रहेका बालबालिकासँग केक काटेर छन् । बालबालिकाहरुलाई केक र चक्लेट वितरण गर्दै खुशीयाली साटासाट गरिएको ढकालले जानकारी दिनुभयो ।

कात्तिक २५ गते बैंकका यस क्षेत्र अन्तर्गतका १८ वटा शाखा कार्यालयबीच रंगोली प्रतियोगिता गरिएको छ । सबै शाखाले आआफ्नो कार्यालयमा बैंकको लोगो, वार्षिकोत्सव, सेवाहरु झल्किने गरी रंगोली तयार गरेका थिए । उक्त प्रतियोगिताको नतिजा भने प्रकाशित भईनसकेको ढकालको भनाई छ ।

नवलपरासीको दाउन्नेदेखि चितवन हुँदै हेटौंडासम्मका शाखा नारायणगढ क्षेत्रीय कार्यालय अन्तर्गत पर्दछन् । कामना सेवा विकास बैंकका ७७ जिल्लामा १३५ शाखा रहेका छन् ।