चितवन प्रहरीद्वारा हराएका २६ थान मोवाईल फेला पारी सम्बन्धित धनिलाई फिर्ता

चितवन,२९ भाद्र। जिल्ला प्रहरी कार्यालय चितवनले हराएका मोवाईल फोन फेला पारी सम्बन्धित धनिलाई बुझाएको छ । प्रहरीले बिभिन्न जिल्लामा चलाईरहेको अवस्थामा हराएका २६ थान मोवाईल फेला पारी सम्बन्धित धनिलाई बुझाएको हो ।

आईफोन, स्याम्सुङ्, रेडमी, ओपो, भिबो लगाएतका मोबाइल काठमाण्डौँ, पर्सा , नवलपरासी, कास्की लगायतका जिल्लामा चलाईरहेको अवस्थामा फेला पारिएको जिल्ला प्रहरी कार्यालय चितवनका प्रमुख नवराज अधिकारीले बताए ।उनका अनुसार, १४ हजार रुपैयाँदेखि १ लाख २५ हजार रुपैयाँसम्म पर्ने मोवाईल फेला परेका हुन् ।