आजबाट काठमाडौंमा कुहिने र नकुहिने फोहोर छुट्याउन अनिवार्य

काठमाडौँ,१ श्रावण। काठमाडौं महानगरपालिकामा आजबाट कुहिले र नकुहिने फोहोर छुट्याएर उठाइने भएको छ । फोहोर व्यवस्थापनलाई सहज बनाउन यस्तो निर्णय भएको महानगर प्रमुख बालेन्द्र शाहले बताउनुभएको छ । 

एकैछिनको सजिलोका लागि हामीले फोहोरा मिसाउने गर्दा निकै समस्या परेको शाहको भनाइ छ । 

शनिबार राति फेसबुकमा पोस्ट गर्दै महानगर प्रमुख शाहले साउन १ गतेबाट फरक सुरुवात गर्न लागेको जानकारी दिनुभएको छ । उहाँका अनुसार आजबाट कुहिने र नकुहिने फोहोर संकलन गर्न छुट्टा–छुट्टै दिन गाडी आउनेछन् । 

फोहोर व्यवस्थापन गर्न नसक्दा यसकै कारण धेरै व्यक्तिहरु रोगी भएकाले उहाँको भनाइ छ । 

‘हामीले उत्पादन गरेको फोहोरको कारण मानिसहरु रोगी र लगभग नारकी जीवन भोगिरहेका छन्’ शाहले भन्नुभएको छ,  ‘यसलाई रोक्ने जिम्मेवारी तपाई हाम्रै हो ।’

फोहोर छुट्याउन झन्झट नमान्न र महानगरको योजनामा सहयोग गर्ने शाहले आग्रह गर्नुभएको छ । 

महानगरका कतिपय ठाउँमा भने असार २५ बाटै कुहिने र नकुहिने फोहोर छुट्याएर उठाउन थालिएको छ ।