नारायणगढको मिलनरोड झलमल्ल

चितवन,असार ३०। साँझपख नारायणगढको मिलनरोड पुग्नु भएको छ ? बुधबार साँझदेखि त्यहाँ पुग्नु भएको छैन भने अहिले नयाँपनको आभाष गर्न सक्नुहुनेछ । बुधबार साँझदेखि मिलन रोड क्षेत्रमा राखिएको आकर्षक एलइडी लाइटले सबैलाई मोहित बनाउँछ ।

भरतपुर–१ वडा कार्यालयको आर्थिक सहयोगमा मिलनरोड टोल विकास संस्थाले टोल क्षेत्रका सबै विजुलीका पोलहरुमा आकर्षक लाइट राखेको छ । हरियो, गोल्डेन कलरका लाइटहरुले बजार क्षेत्रलाई आकर्षक बनाएको छ । टोलका अध्यक्ष चित्रबहादुर खाँतीले वडा कार्यालयको आर्थिक सहयोगमा बजारलाई आकर्षक बनाउन एलइडी लाइट राखिएको बताए ।