भरतपुरमा तेस्रो राष्ट्रपति रनिङ शिल्ड प्रतियोगिता सुरु, महानगर प्रमुख दाहालद्वारा उद्घाटन
न्युजभित्तो/९ असार २०७९, बिहीबार १५:२२
चितवन, असार ९- भरतपुरमा तेस्रो राष्ट्रपति रनिङ शिल्ड प्रतियोगिता सुरु भएको छ ।
भरतपुर महानगरपालिकाको आयोजनामा भरतपुर–१८ गुञ्जनगर माध्यमिक विद्यालय परिसरमा आजबाट सुरु भएको प्रतियोगिताको भरतपुर महानगरपालिका प्रमुख रेनु दाहालले उद्घाटन गरेकी हुन् ।
प्रतियोगिता उद्घाटन गर्दै महानगरपालिका प्रमुख दाहालले राष्ट्रपति रनिङ शिल्ड दक्ष खेलाडी उत्पादनको माध्यम भएको बताइन् ।
रनिङ शिल्डले भरतपुरमा दक्ष खेलाडी उत्पादन गर्ने वातावरण पनि सिर्जना भइरहेको प्रमुख दाहालको भनाइ छ ।
भरतपुरलाई खेलकुद हब निर्माण गर्ने उद्देश्यसहित विभिन्न पूर्वाधार बनाउने कार्य भइरहेको समेत मेयर दाहालले जानकारी दिइन् । एक वडा एक खेल मैदान, एक विद्यालय एक खेल मैदान, नगरस्तरीय खेल मैदान, प्रदेशस्तरीय खेलमैदान तथा अन्तर्राष्ट्रिय खेलमैदान निर्माण भइरहेको पनि मेयर दाहालले बताइन् । कोभिड–१९ कोरोना भाइरसका कारण विद्यालय बन्द हुँदा तीन वर्षदेखि भरतपुरमा राष्ट्रपति रनिङ शिल्ड प्रतियोगिता रोकिएको थियो ।
प्रतियोगितामा भलिबल, कबड्डी, एथलेटिक्स गरी तीन विधाका खेल हुने भरतपुर शिक्षा महाशाखा प्रमुख महेन्द्रप्रसाद पौडेलले बताए । प्रतियोगितामा भरतपुरका सामुदायिक र निजी गरी ५० वटा विद्यालयको सहभागिता रहेको उनले जानकारी दिए । गर्मीको समयका कारण प्रतियोगिता बिहानको समयमा गरिने पनि उनले बताए । प्रतियोगितामा उत्कृष्ट हुने खेलाडीलाई प्रदेश हुँदै संघमा प्रतिस्पर्धाका लागि पठाइने छ ।
चितवन, असार ९- भरतपुरमा तेस्रो राष्ट्रपति रनिङ शिल्ड प्रतियोगिता सुरु भएको छ ।
भरतपुर महानगरपालिकाको आयोजनामा भरतपुर–१८ गुञ्जनगर माध्यमिक विद्यालय परिसरमा आजबाट सुरु भएको प्रतियोगिताको भरतपुर महानगरपालिका प्रमुख रेनु दाहालले उद्घाटन गरेकी हुन् ।
प्रतियोगिता उद्घाटन गर्दै महानगरपालिका प्रमुख दाहालले राष्ट्रपति रनिङ शिल्ड दक्ष खेलाडी उत्पादनको माध्यम भएको बताइन् ।
रनिङ शिल्डले भरतपुरमा दक्ष खेलाडी उत्पादन गर्ने वातावरण पनि सिर्जना भइरहेको प्रमुख दाहालको भनाइ छ ।
भरतपुरलाई खेलकुद हब निर्माण गर्ने उद्देश्यसहित विभिन्न पूर्वाधार बनाउने कार्य भइरहेको समेत मेयर दाहालले जानकारी दिइन् । एक वडा एक खेल मैदान, एक विद्यालय एक खेल मैदान, नगरस्तरीय खेल मैदान, प्रदेशस्तरीय खेलमैदान तथा अन्तर्राष्ट्रिय खेलमैदान निर्माण भइरहेको पनि मेयर दाहालले बताइन् । कोभिड–१९ कोरोना भाइरसका कारण विद्यालय बन्द हुँदा तीन वर्षदेखि भरतपुरमा राष्ट्रपति रनिङ शिल्ड प्रतियोगिता रोकिएको थियो ।
प्रतियोगितामा भलिबल, कबड्डी, एथलेटिक्स गरी तीन विधाका खेल हुने भरतपुर शिक्षा महाशाखा प्रमुख महेन्द्रप्रसाद पौडेलले बताए । प्रतियोगितामा भरतपुरका सामुदायिक र निजी गरी ५० वटा विद्यालयको सहभागिता रहेको उनले जानकारी दिए । गर्मीको समयका कारण प्रतियोगिता बिहानको समयमा गरिने पनि उनले बताए । प्रतियोगितामा उत्कृष्ट हुने खेलाडीलाई प्रदेश हुँदै संघमा प्रतिस्पर्धाका लागि पठाइने छ ।