बालबालिका काँडै काँडाको बिचमा फुलेको फूल हुन् : उप-प्रमुख अधिकारी

भरतपुर,१९ जेष्ठ – भरतपुर माहानगरपालिकाका उप-प्रमुख चित्रसेन अधिकारीले बालबालिका काँडै काँडाको बिचमा फुलेको फूल भएको बताएका छन् ।

दियालो परिवार नारायणगढको ४५ औं स्थापना दिवस तथा जनप्रतिनिधि सम्मान कार्यक्रममा बोल्दै उप प्रमुख अधिकारीले बालबालिका देशका मेरुदण्ड भएकाले उनीहरुको संरक्षण गर्नु सबैको दायित्व भएको बताए ।

‘बालअधिकार सुनिश्चित गर्नु सबैको उत्तिकै दायित्व हो’,उप प्रमुख अधिकारीले भने । उनले आफू पनि बालबालिकाको क्षेत्रमा काम गर्न अत्यन्तै इच्छुक रहेको समेत बताए भयो । आगामी नगर परिषदबाट बालबालिकाको क्षेत्रमा कार्यबिधी नै बनाएर लैजाने उनले प्रतिवद्धता जनाए ।

कार्यक्रममा दियालो परिवार नारायणगढका अध्यक्ष सुरेश खनाल,सचिव इश्वर राज पण्डित, पूर्व अध्यक्षहौर राजेन्द्र कुमार पिया र सुरेश कुमार अधिकारी, वडा नम्बर १ का अध्यक्ष केशव मर्हर्जन, इच्छाकामना गाउपालिका अध्यक्ष दान बहादुर गुरुङ लगायतले बोलेका थिए । कार्यक्रममा आर्थिक अवस्था कमजोर भएका बालबालिकाहरुलाइ स्कुल झोला र शैक्षिक सामाग्री पनि वितरण गरिएको थियोे ।

२०३५ सालमा स्थापना भएको दियालो परिवार नारायणगढले बाल हेल्पलाइन दश नौ आठ, सडक बालबालिका, श्रमिक, एचआईभी एड्स संक्रमित, जोखिममा परेका, आर्थिक अवस्था कमजोर भएका तथा द्वन्द पीडित बालबालिकाको क्षेत्रमा काम गर्दै आइरहेको छ ।