निरन्तर मतान्तर बढाउँदै रेनु दाहाल, १५ सयभन्दा बढी मतले अघि

चितवन,४ जेष्ठ– चितवनको भरतपुर महानगरपालिका प्रमुखमा सत्ता गठबन्धनबाट नेकपा माओवादी केन्द्री रेनु दाहालले नेकपा एमालेका विजय सुवेदीसँग मतान्तर बढाएकी छन् ।

ताजा मतपरिणाम अनुसार २६,५२६ मत गणना हुँदा रेनुले ९६३१ मत पाएकी छन् । एमाले-राप्रपा गठबन्धनका सुवेदी उनको पछि-पछि छन् ।सुवेदीले ८११९ मत पाएका छन् । रेनुले उनीसँगको मतान्तर बढाएर १५१२ पुराएकी छिन् । यस्तै कांग्रेसका बागी जगन्नाथले ४३६० मत पाएका छन् ।

उता उपमेयरमा नेपाली कांग्रेसका चित्रसेनले अग्रता फराकिलो बनाईरहेकी छन् । हालसम्म उनले ११,५१५ मत पाएका छन् । एमाले-राप्रपा गठबन्धनबाट राप्रपाकी हिमला गुरुङले ६,६११ मत पाएकी छन् । चित्रसेन हिमला भन्दा ४,९०४ मतले अघि छन् ।हाल भरतपुर ५ को गणना भइरहेको छ । जहाँ वडाध्यक्षमा कांग्रेसको अग्रता छ । कांग्रेसले २३०५ मत पाउँदा एमालेले १८१८ मत पाएको छ ।