भरतपुरमा निर्वाचन आचासंहितको ठाडै उल्लघंन, रेनुलाई भोट माग्दै भूमिहिनलाई निस्सा बाँड्दै

चितवन, २३ बैशाख । निर्वाचन आचारसंहिता–२०७८ को ठाडै उल्लघंन गर्दै भरतपुरमा भूमिको निस्सा बाँडिएको छ । नेकपा (माओवादी केन्द्र)ं निकटका भूमि आयोगका उपाध्यक्ष नहेन्द्र खड्का र चितवन जिल्ला अध्यक्ष बद्री तिमिल्सिनाले आज शुक्रबार सुकुम्बासी तथा भूमिहिनलाई भूमिको निस्सा बाँडेका हुन् ।

निर्वाचन आचारसंहिता विपरित मतदातालाई प्रत्यक्ष प्रभावित पार्न उनीहरुले भरतपुर–११ गणेशस्थानमा भूमिको निस्सा बाँडेका हुन् । भूमि आयोग चितवनका अध्यक्ष बद्री तिमिल्सिनाले भूमिहिनलाई निस्सा बाँडेको स्वीकार गरे । लालपुर्जा बाँड्दा मात्रै आचारसंहिता लाग्ने तर भूमिको निस्सा बाँड्दा आचारसंहिता नलाग्ने उनको दावी छ । स्सा बाँड्ने काम र जग्गा नाप्ने काम भइराख्ने उनले बताए ।

भूमिहिन सुकुमबासीले मेयरमा रेणु दाहाल र उपमेयरमा चित्रसेन अधिकारीलाई विजयी गराउन प्रतिबद्धता जनाएको उनले फेसबुक स्टाटसमा लेखेका छन् । कार्यक्रममा सहभागी एक स्थानीयका अनुसार माओवादी केन्द्रबाट उम्मेदवार बनेका वडाध्यक्ष र मेयरका उम्मेदवारलाई भोट हाल्न दवाव समेत दिइएको छ । आयोगका पदाधिकारीले माओवादीलाई भोट नहाले निस्सा र लालपूर्जा नपाउने चेतावनी समेत दिएका छन् ।

जिल्ला निर्वाचन कार्यालय भरतपुरका प्रमुख भीमसेन कार्कीले आचारसंहिता विपरित मतदातालाई प्रभावित पार्न भूमिको निस्सा बाँड्न नपाइने बताए । उजुरी आए कारबाही गर्न सकिने उनले जानकारी दिए ।